बीड (रिपोर्टर): महाराष्ट्र राज्य माध्यमिक आणि उच्च माध्यमिक मंडळाकडून इयत्ता दहावी परीक्षेच्या निकालाची तारीख आज घोषीत केली. सोमवार दि. 27 मे रोजी दुपारी एक वाजता दहावीचा निकाल ऑनलाईन जाहीर करण्यात येणार आहे. विद्यार्थ्यांना शाळेमध्ये निकालाची छापील प्रत देण्यात येणार आहे. बोर्डाकडून दहावीचा निकाल ऑनलाईन पद्धतीने पहाता येणार आहे.
बारावी परीक्षेचा निकाल घोषीत झाल्यानंतर पाठोपाठ आता दहावी परीक्षेच्या निकालाची घोषणा शिक्षण बोर्डाकडून करण्यात आली आहे. महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर, कोकण या नऊ विभागीय मंडळांमार्फत मार्च 2024 मध्ये घेण्यात आलेल्या माध्यमिक शालांत प्रमाणपत्र इयत्ता दहावी परीक्षेचा निकाल मंडळाच्या कार्यपद्धतीनुसार अधिकृत संकेतस्थळावर सोमवार दि. 27 मे 2024 रोजी दुपारी 1 वाजता ऑनलाईन जाहीर करण्यात येणार आहे.
