बीड (रिपोर्टर): मराठवाडा शिक्षण प्रसारक मंडळ संचालित बार्शी नाका या ठिकाणी कार्यरत असलेल्या यशवंतराव चव्हाण तंत्रनिकेतन महाविद्यालयाच्या स्थानीक नियामक समितीवर रईस चाऊस यांची एकमताने निवड करण्यात आली आहे. त्यांच्या या निवडीबद्दल सर्वस्तरातून अभिनंदन होत आहे.
22 जुलै 2023 रोजीच्या कार्यकारी मंडळाच्या बैंकीत ठराव क्र. 6 नुसार मराठवाडा शिक्षण मंडळाच्या कार्यकारी मंडळाची नुकतीच बैठक घेण्यात आली. या बैठकीमध्ये जिल्ह्यात सामाजिक काम करणार्‍या आणि शिक्षण क्षेत्रात त्यांच्या ज्ञानाचा उपयोग व्हावा व शैक्षणिक गुणवत्ता वाढावी यासाठी स्थानीक नियामक समितीवर काही नवीन सदस्यांची निवड करण्यात आली आहे. त्यामध्ये शहरातील सामाजीक कार्यकर्ते रईस मोहम्मदबीन सहेरी चाऊस यांची सर्वानुमते निवड करण्यात आली आहे. या संस्थेच्या अध्यक्षपदी आ. प्रकाश सोळंके हे असून आ. सतीश चव्हाण आणि माजी आ. अमरसिंह पंडित यांच्यानेतृत्वात मराठवाडा शिक्षण प्रसारक मंडळ अनेक शैक्षणिक संस्था चालवत आहेत. त्यात शहरातील यशवंतराव चव्हाण पॉलिटेक्निक कॉलेजचाही समावेश आहे. या पॉलिटेक्निक कॉलेजच्या स्थानीक नियामक मंडळावर रईस चाऊस यांची निवड झाल्याबद्दल सर्वस्तरातून त्यांचे अभिनंदन करण्यात येत आहे.
