बीड, (रिपोर्टर)ः- वडवणी शहरामधून मोटार सायकल चोरीला गेली. मोटार सायकल चोरून नेणारे चोरटे सिसिटिव्ही कॅमेर्‍यामध्ये कैद झाले आहेत. या प्रकरणी वडवणी पोलीसात चोरट्या विरोधात गुन्हा दाखल करण्यात आला.
दत्तात्रय तुकाराम जाधव (रा.साळींबा ता.वडवणी) हे अविनाश ट्रेडींग कंपनी येथे कामाला आहेत. त्यांनी आपली मोटारसायकल क्र.एम.एच.44 डबल्यू. 5314 ही अविनाश टे्रडींग कंपनीच्या बाजुला उभी केली होती. चोरट्याने सदरील ही गाडी चोरून नेली. सिसिटिव्ही कॅमेर्‍यामध्ये जाधव यांनी पाहितले असता दोन चोरट्यांनी गाडी चोरून नेल्याचे दिसुन आले. या प्रकरणी वडवणी पोलीसात चोरट्या विरोधात गुन्हादाखल करण्यात आला असुन सदरील चोरट्यांना पोलीस बंदोबस्त करण्यात यशस्वी होतील का असा प्रश्‍नउपस्थित होत आहे. वडवणी शहरातून आतापर्यंत अनेक मोटार सायकली चोरीला गेल्या आहेत. त्या मोटार सायकलींचा पत्ता लागलेला नाही. पोलीस फक्त चाल ढकल करत असल्याचे दिसुन येत आहेत.
