धानोरा गावाजवळ घडली दुर्घटना; इको गाडी व दुचाकीची समोरा समोर धडक दुचाकीस्वार जागीच ठार
आष्टी (रिपोर्टर):- लहान भावाच्या लग्नासाठी गावाकडे निघालेल्या मोठ्या भावाचा धानोरा गावापासून 4 ते 5 कि मी अंतरावर इको गाडी व दुचाकीची समोरा समोर धडक होऊन अपघात झाला या अपघातात उपचारासाठी अहमदनगर येथे घेऊन जात असताना दुचाकीस्वार दवाखान्यात पोहचल्यावर डॉक्टरांनी मृत झाल्याचे सांगितले हि दुर्दैवी घटना काल दि.28 जून रोजी रात्री 8 च्या दरम्यान घडली. अशोक विष्णू गायकवाड वय 34 वर्षे असे मृत व्यक्ती चे नाव आहे.
जामखेड तालुक्यातील मोहा येथील रहिवाशी असलेल्या अशोक गायकवाड हे पुणे येथे कंपनी मध्ये जॉब ला होते. लहान भावाचे लग्न उद्या दि.30 जून रोजी होते.
दि.29 जून रोजी पुणे येथून दुचाकी वर गावाकडे येत असताना अपघात घडला याबाबत अंभोरा पोलिसांकडून मिळालेली अधिक माहिती अशी की शुक्रवार दि.28 रोजी रात्री 8 वाजेच्या सुमारास दुचाकी क्र . चक 14 -छ 8882 वरून येत असताना आष्टी तालुक्यातील वाघळूज व बाळेवाडी फाटा दरम्यान नगर – जामखेड रोडवर चक16उट4719 इको व्हॅनला समोरा समोर धडक होवून अपघात घडला या अपघातात दुचाकीस्वार अशोक गायकवाड याला उपचारासाठी अहमदनगर येथे हलविण्यात आले परंतु डॉक्टरांनी मृत घोषित केले.इको व्हॅन चालक जखमी झाला असून अहमदनगर येथे उपचार सुरू आहे.घटनेची माहिती कळताच अंभोरा पोलीस ठाण्याचे सहाय्यक पोलिस निरीक्षक मंगेश साळवे,पोलीस कॉन्स्टेबल एस.आर. पोकळे यांनी घटनास्थळी धाव घेतली ही घटना वाघळूज जवळ घडली नगर कडे जाणार्‍या ईको गाडी समोर अचानक झाड कोसळल्यामुळे हा अपघात झाला असल्याची माहिती पोलिसांकडून कळली आहे.
