बनावटी 30 पोती केली जप्त
माजलगाव (रिपोर्टर) पाराशर बायो प्रोडक्ट प्रायव्हेट लिमिटेड गोवा स्थित कंपनीचे बोगस खत तयार करून ते विक्री होत असल्याबाबत कंपनीने माननीय उच्च न्यायालय औरंगाबाद येथे दाखल प्रकरणात माजलगाव येथील दोन व्यापार्‍यांवर बोगस खत विक्री करीत असल्याने रंगे हात पकडून करण्यात आली. यावेळी प्लांटो नावाच्या कंपनीचे 30 पोते जप्त करण्यात आले.
माजलगाव शहरात मधून बोगस खतांची विक्री होत असल्याबाबत अनेक तक्रारी होत्या तसेच प्लांटो नावाचे उसासाठी वापरले जाणारे खत हे कंपनीचा लोगो वापरून तसेच कंपनीच्या ओरिजनल खताच्या बॅगेप्रमाणे दुसरी डुप्लिकेट बॅगा बनवून मार्केटमध्ये दुसर्‍या कंपन्यांकडून विक्री होत असल्याबाबत कंपनीने माननीय उच्च न्यायालय खंडपीठ औरंगाबाद येथे दावा दाखल केला होता या दाव्याच्या अनुषंगाने न्यायालयाने विशेष इन्स्पेक्टर म्हणून संदीप हांगे यांची नियुक्ती केली त्यांच्या मार्गदर्शनाखाली कंपनीचे मार्केटिंग मॅनेजर स्वप्नील कोलते संतोष जवंजाळ अशोक कलापुरे मनोज कोलते सचिन अकोलकर तसेच स्थानिक पोलिस पो.ना.तोटेवाड, पो.कॉ.ठेंगल, पो.कॉ.कांनतोडे, पो.कॉ.देवरकोंडे सोबत घेऊन येथील गणेश कृषी सेवा केंद्र व आणखीन एका ठिकाणी छापे टाकले. यावेळी दुकानात तीस पोते बोगस खत आढळून आले. त्यामुळे मोंढा परिसरात खत व्यापार्‍यांमध्ये एकच खळबळ उडालेली पहावयास मिळाली. दरम्यान मिळून आलेले खत येथे उपस्थित असणार्‍यांनी पाहिले. त्यात कोळसा आणि वाळू मिळून आली.या बनावट प्रकारामुळे शेतकर्‍यांची किती मोठ्या प्रमाणात फसवणूक होत आहे हे निदर्शनास येत आहे. दरम्यान शेतकर्‍यांनी खत खरेदी करताना ते सावधानतेने करावे असे आवाहन बाजार समितीचे सभापती संभाजी शेजुळ यांनी केले आहे. तसेच बोगस खाते विक्री करणार्‍यांची देखील गैर केली जाणार नाही असेही त्यांनी सांगितले.
बापरे…खताऐवजी पोत्यात निघाला चक्क वाळू मिश्रित कोळसा!
काही बनावट कंपन्या पैशाच्या लोभापाई शेतकर्‍यांच्या जीवावर उठल्या आहेत. वारेमाफ पैसा कमावण्याच्या उद्देशाने खता ऐवजी चक्क खत पोत्यामध्ये कोळसा मिश्रीत वाळू काळा रंग देऊन काही व्यापार्‍यांना हाताशी धरून शेतकर्‍यांना लुटू लागल्या आहेत. गरीब भोळा भाबडा शेतकरी या फसवेगिरीला बळी पडून देशोधडीला लागत आहे.
