Friday, January 22, 2021
No menu items!
Home बीड अनुदानाच्या याद्या लागल्या, पैसे काढण्यासाठी शेतकर्‍यांची गर्दी

अनुदानाच्या याद्या लागल्या, पैसे काढण्यासाठी शेतकर्‍यांची गर्दी


बीड (रिपोर्टर)- अतिवृष्टीमुळे बीड जिल्ह्यातील शेतकर्‍यांच्या खरीप पिकाचे मोठ्या प्रमाणात नुकसान झाले होते. राज्य सरकारने हेक्टरी दहा हजार रुपये नुकसान भरपाई जाहीर केल्यानंतर शेतकर्‍यांच्या खात्यावर पैसे जमा झालेले आहेत. हे पैसे काढण्यासाठी डीसीसी बँकेच्या शाखेमध्ये शेतकरी गर्दी करून आहेत.


परतीच्या पावसाने राज्यामध्ये धुमाकूळ घातला होता. यात सोयाबीन, कापूस, तूर, ऊस, मूग इत्यादी पिकांचे मोठ्या प्रमाणात नुकसान झाले होते. राज्य सरकारने नुकसानीचे पंचनामे करून शेतकर्‍यांना हेक्टरी 10 हजार रुपये घोषीत केले होते. हे पैसे प्रत्येक डीसीसी बँकेच्या शाखेअंतर्गत जमा झाल्याने बँकेने ज्या शेतकर्‍यांना अनुदान मिळाले त्या शेतकर्‍यांची यादी बँक कार्यालयाच्या बाहेर लावलेली आहे. शेतकरी आपली नुकसान भरपाईची रक्कम काढण्यासाठी बँकेमध्ये गर्दी करून आहेत.


अनेक शेतकर्‍यांची नावे आली नाहीत

महसूल विभागाचा अनागोंदी कारभार नेहमीच चव्हाट्यावर आलेला आहे. तलाठ्यांच्या चुकीच्या कार्यपद्धतीमुळे बहुतांश शेतकर्‍यांची नावे अनुदानासाठी लागलेली नाहीत. ज्या शेतकर्‍यांची नावे यादीमध्ये समाविष्ट नाहीत ते शेतकरी तलाठीकडे चकरा मारतात तेव्हा तलाठी तहसीलकडे बोट दाखवत आहेत. नेमकी चूक कोणाची ? हे मात्र महसूल विभागाकडून सांगितलं जात नसल्याने शेतकर्‍यांची फरफट होत असल्याचे दिसून येत आहे. राज्य सरकारने सरसकट शेतकर्‍यांना अनुदान घोषीत केले आहे मग इतर शेतकर्‍यांची नावे कशी काय वगळण्यात आली? असा प्रश्‍न उपस्थित होत आहे.

Most Popular

ना. मुंडे विरुद्ध ची तक्रार मागे घेतल्या नंतर रेणू शर्माने केले ट्टिट, म्हणाली……….

बीड -रिपोर्टर सामाजिक न्याय मंत्री धनंजय मुंडे यांच्याविरुद्ध बलात्काराची खोटी तक्रार करणाऱ्या रेणू शर्मा यांनी आपली तक्रार पोलिस स्टेशन मधून मागे घेतली असून...

अखेर सत्याचा विजय! धनंजय मुंडेंविरुद्ध ‘त्या’ महिलेने केलेली खोटी तक्रार घेतली मागे

मुंबई (रिपोर्टर): सामाजिक न्याय मंत्री धनंजय मुंडे यांच्याविरुद्ध बलात्कार केल्याचा खोटा आरोप केलेल्या रेणू शर्मा नामक महिलेने आपली तक्रार मागे घेतल्याने अखेर...

बीडच्या डीवायएसपी विरुद्ध मुंबईत बलात्काराचा गुन्हा डीवायएसपी वाळके म्हणाले, तपासात सत्य बाहेर येईल

मुंबई/बीड (रिपोर्टर)- बीडचे विद्यमान पोलिस उपअधीक्षक संतोेष वाळके यांच्या विरोधात मुंबई येथील रफी अहमद किडवई मार्ग पोलिस ठाण्यात बलात्काराचा गुन्हा दाखल झाल्याने...

बीड न.प.च्या विषय समित्या जाहीर बांधकाम मुळुक यांच्याकडे तर शिक्षण सभापतीपदी भास्कर जाधव

बीड (रिपोर्टर)- बीड नगरपालिकेच्या विषय समित्या आज दुपारी जाहीर करण्यात आल्या. बांधकाम सभापतीपदी विनोद मुळुक यांची तर शिक्षण सभापतीपदी भास्कर जाधव यांची...