Thursday, July 29, 2021
No menu items!
Homeकोरोनामहाराष्ट्रात आढळलेला करोनाचा नवा स्ट्रेन जास्त घातक

महाराष्ट्रात आढळलेला करोनाचा नवा स्ट्रेन जास्त घातक

मुंबई (रिपोर्टर)- महाराष्ट्रात करोना पुन्हा एकदा थैमान घालण्याची भीती व्यक्त केली जात आहे. गेल्या काही दिवसांत करोनाचा प्रसार वाढला असून, रुग्णसंख्येचा वेगही वाढल्याचे आकडेवारीतून दिसत आहे. दरम्यान, या संकटाबरोबर चिंता वाढवणारी एक बाब समोर आली आहे. देशात २४० नवीन करोना स्ट्रेन आढळून आले आहेत. यात महाराष्ट्रात आढळून आलेल्या करोनाच्या नवा स्ट्रेनच्या संसर्गाचा वेग प्रचंड असून, तो जास्त घातक ठरू शकतो, असा इशारा दिल्लीतील एम्स’चे संचालक डॉ. रणदीप गुलेरिया यांनी दिला आहे. या नवीन स्ट्रेनचा ऍण्टीबॉडीज तयार झालेल्या लोकांनाही संसर्ग होऊ शकतो, असा अंदाज त्यांनी व्यक्त केला आहे.
एम्स’चे संचालक डॉ. रणदीप गुलेरिया यांनी एनडीटीव्ही या वृत्तवाहिनीशी बोलताना ही माहिती दिली. देशात करोनाचे २४० नवी स्ट्रेन आढळून आले असून, महाराष्ट्रात आढळून आलेला स्ट्रेन जास्त घातक ठरू शकतो, असं ते यावेळी म्हणाले. भारतात हर्ड इम्युनिटी ही कल्पनाच ठरणार आहे. कारण देशाच्या एकूण लोकसंख्येपैकी ८० टक्के लोकांमध्ये ऍण्टीबॉडीजची गरज आहे. महाराष्ट्रात आढळून आलेल्या नव्या करोना स्ट्रेनचा विचार केल्यास हे अवघड दिसत आहे. कारण या स्ट्रेनच्या संसर्गाचा वेग प्रचंड असून, तो जास्त घातक ठरू शकतो. इतकंच काय तर ज्या नागरिकांमध्ये ऍण्टीबॉडीज विकसित झालेल्या आहेत. त्यांनाही याचा संसर्ग होऊ शकतो, इशारा डॉ. गुलेरिया यांनी दिला.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!