Saturday, October 16, 2021
No menu items!
Homeकोरोनाअँटीजेन टेस्ट न करणार्‍या व्यापार्‍यांच्या दहा दुकाना तहसीलदारांनी केल्या सील

अँटीजेन टेस्ट न करणार्‍या व्यापार्‍यांच्या दहा दुकाना तहसीलदारांनी केल्या सील

गेवराई (रिपोर्टर)- गेवराई शहरात आज आठवडी बाजारात कोरोनाचे गांभीर्य नसणार्‍या दुकानदारांवर तहसीलदार सचीन खाडे यांच्या निर्देशानुसार कारवाई करण्यात आली असून बाजारात झालेली गर्दी पाहून तहसीलदार स्वत: रस्त्यावर उतरले आणि दंडात्मक कारवाईला सुरुवात केली. ज्या दुकानदारांनी अँटीजेन टेस्ट केली नाही अशा दहा दुकानदारांच्या दुकाना सील करून विना मास्क फिरणार्‍यांवर दंडात्मक कारवाई करत ८ हजार ८०० रुपयांचा दंड वसूल केला आहे. काल रात्रीच तहसीलदार स्वत: रस्त्यावर उतरल्याने अँटीजेन टेस्ट न केलेल्या अनेक दुकानदारांनी आपल्या दुकाना पटापट बंद केल्या होत्या. कोरोनाचा प्रादुर्भाव रोखण्यासाठी शासनाने लावून दिलेल्या नियमांचे काटेकोरपणे पालन करण्याचे आवाहन तहदीलदारांकडून करण्यात आले आहे.
गेल्या आठवडा भरापासुन प्रशासन कोरोनामुळे सतर्क झाले असून तलवाड्यात देखील आठवडी बाजारात जाऊन तहसिलदार खाडे ऍटिजन टेस्ट न केल्याने १० दुकानांना सील ठोकले होते. तालुक्यात संचारबंदी लागू असतांना प्रशासनाने याबाबत नियमअटी लागू करण्यात आल्या असतांना देखील काल बाजारात अनेक नागरिक विनामास्क रस्त्यावर फिरत असताना तहसीलदार खाडे व नगरपरिषद मुख्याधिकारी धकड यांनी रस्त्यावर उतरत ४४ लोकांविरूद्ध कारवाई करत ८८०० रुपये चा दंड वसूल करण्यात आला, तहसिलदार यांनी रस्त्यावर उतरल्याने मास्क तसेच व्यापारी वर्गाने कोरोनाची चाचणी करावी नंतरच आपले व्यावसाय सुरू ठेवावेत असे आदेश पारीत करून देखील अनेक दुकानदारांनी अँटीजन तपासण्या न केल्यामुळे शहरातील शास्त्री चौक येथील १० दुकानांना सील ठोकले असून ही कारवाई तहसिलदार सचिन खाडे , मुख्याधिकारी उमेश ढाकणे, मंडळाधिकारी प्रकाश तांबे , तलाठी पाढंरे , तलाठी गोविंद ढाकणे, जित्तेद्र लेन्डाळ यांच्यासह पोलीस कर्मचारी हनुमान जावळे,दत्ता चव्हाण,विशाल प्रधान व न.प.कर्मचार्‍यांनी ही कारवाई केली. दरम्यान या कारवाईच्या भितीपोटी आज गेवराई शहरातील अनेक दुकानदारांनी अँटीजन तापसण्या करण्यासाठी उपजिल्हा रुग्णालयात धाव घेतली आहे.
यापुढे एकही दुकानदार तपासणी न करता विनामास्क आढळून आल्यास कडक कारवाई करण्यात येईल असे तहसीलदार सचिन खाडे यांनी रिपोर्टरशी बोलताना सांगितले.

Most Popular

error: Content is protected !!