हॉटेल चालकाला मारहाण शिवाजीनगर ठाण्यात तिघा जणांविरोधात गुन्हा दाखल

बीड (रिपोर्टर):- विशाल अशोक गवळी (वय ३२) यांचे चर्‍हाटा रोडवरील आगलावे इस्टेट येथे चहाचे हॉटेल आहे. तेथे एकनाथ कदम व इतर दोघे अनोळखी चहा पिण्यासाठी आले. चहा पिल्यानंतर हॉटेल चालक विशाल गवळी यांनी त्यांना चहाचे बील मागितले असता याचा राग मनात धरून एकनाथ कदम आणि इतर अनोळखी दोघांनी गवळी यांना मारहाण करत जिवे मारण्याची धमकी दिली. या प्रकरणी शिवाजीनगर पोलीस ठाण्यात कलम ३२४, ३२३, ५०४, ५०६, ३४ भा.दं.वि.नुसार गुन्हा दाखल करण्यात आला असून या प्रकरणाचा पुढील तपास पोलिस नाईक हंबर्डे हे करत आहेत.