Wednesday, September 22, 2021
No menu items!
Homeबीडसदोष पेवर ब्लॉकने दुचाकी स्लीप होऊ लागल्या

सदोष पेवर ब्लॉकने दुचाकी स्लीप होऊ लागल्या


बीड (रिपोर्टर):- कधी नव्हे तर बीड शहरात कोट्यवधी रुपये खर्चून रस्त्याची कामे करण्यात आली अहेत. मात्र या रस्त्याच्या मधोमध आणि दोन्ही बाजुने पेवर ब्लॉक टाकलेले आहेत. मात्र हे पेवर ब्लॉक बसवताना कुठे वर तर कुठे खाली बसवले आहेत. त्यामुळे या पेवर ब्लॉकवरून दुचाकी स्वलीप होऊन मोठ्या प्रमाणावर अपघात होत आहेत. आज सकाळी कॅनॉल रोड, बायपासवरून एक दुचाकी स्लीप होऊन एकाला गंभीर दुखापत झाली तर दुचाकीवरील आईसह चिमुकला सुदैवाने बचावला.
बीड नगरपालिकेच्या वतीने शहरात कोट्यवधी रुपये किमतीच्या रस्त्याची कामे सुरू आहेत. मात्र सुभाष रोड वगळता एकही रोड पुर्ण झालेला नाही. प्रत्येक रस्ता अर्धवट सोडून दिलेला आहे. त्यामुळे नागरिकांना नाहक त्रास सहन करावा लागत आहे. त्यातच जे रस्ते पुर्ण झाले आहेत त्या रस्त्यांवर टाकण्यात आलेले पेवर ब्लॉक खाली-वर बसवलेले आहेत. त्यामुळे त्याच्यावरून दुचाकी दररोज स्लीप होत आहेत. आज सकाळी कॅनॉल रोड, बायपास रोडवरून बीड शहरात येणारी एक दुचाकी याच पेवर ब्लॉकमध्ये स्लीप होऊन दुचाकीस्वार गंभीर जखमी झाला आहे तर त्याच्या सोबत असलेला चिमुकला बालंबाल बचावला.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!