Wednesday, September 22, 2021
No menu items!
Homeकोरोनाबँकेतील अधिकारी,कर्मचार्‍यासाठी आरटीपीसीआर चाचणी गरजेची

बँकेतील अधिकारी,कर्मचार्‍यासाठी आरटीपीसीआर चाचणी गरजेची


बीड (रिपोर्टर):- 31 मार्च हे बँक आणि खासगी वित्तीय संस्थेचे आर्थिक वर्ष असते. या दोन दिवसामध्ये बँकांना आणि वित्तीय संस्थांना आपला वार्षिक ताळेबंद पुर्ण करावयाचा असतो. त्यामुळे बँका सर्व अधिकारी आणि कर्मचार्‍यांची उपस्थिती असते. त्यामुळे बँकेतील सर्व अधिकारी, कर्मचार्‍यांनी आपली अँटीजेन आणि आरटीपीसीआर चाचणी करूनच कामकाज करावे असे आदेश आज जिल्हाधिकारी रविंद्र जगताप यांनी काढले आहेत.
या बँका आणि वित्तीय संस्था कर विभागाकडील आपले कर्ज वसुल करतात. जे खाते एनपीएमध्ये जात आहे असे खातेदाराकडे बँकेचे अधिकारी आणि कर्मचारी वसुलीसाठी जात असतात. मार्चंडच्या शेवटच्या आठवड्यामध्ये या कामकाजाचा वेग जास्त असतो. त्या सोबतच बँकांना आणि वित्तीय संस्थांना आपल्या आर्थिक वर्षाचा ताळेबंद 31 मार्चला जुळवण्यासाठी अधिकारी, कर्मचारी बँकेत जास्तीचा वेळ देवून काम करतात. त्यामुळे बीड जिल्ह्यामध्ये कोरोना रूग्णांची संख्या दिवसेंदिवस वाढत असल्यामुळे बँकेतील अधिकारी, कर्मचार्‍यांनी आपली अँटीजेन आणि आरटीपीसीआर तपासणी करून घ्यावी. ही चाचणी केल्याशिवाय बँकेचे कामकाज करू नये असे आदेश आज जिल्ह्यातील सर्व बँकेच्या शाखांना जिल्हाधिकार्‍यांनी दिले आहेत.

Most Popular

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

error: Content is protected !!