Sunday, April 18, 2021
No menu items!
Home क्राईम ट्रकची मोटरसायकलला धडक; एक ठार, एक गंभीर जखमी

ट्रकची मोटरसायकलला धडक; एक ठार, एक गंभीर जखमी

उड्डानपुलाच्या मागणीसाठी नागरिक
रस्त्यावर, हायवेवर आंदोलन

दुपारी दीड वाजेपयर्ंत मृतदेह घटनास्थळीच; पोलीसांच्या मध्यस्थीने आंदोलन मागे, आज दुपारी बागपिंपळगाव फाट्याजवळ घडली घटना
गेवराई (रिपोर्टर):- भरधाव वेगात निघालेल्या ट्रकने मोटरसायकलला धडक दिली. या अपघातात एक जण ठार तर एक जण गंभीर जखमी झाला. ही घटना आज दुपारी बागपिंपळगाव फाटा येथे घडली. रस्ता ओलांडत असतांना या परिसरामध्ये आतापर्यंत अनेकवेळा अपघात होवून कित्येकांचे बळी गेले. हायवे रस्ता तयार करतांना दोन्ही बाजुने उड्डाणपुल करणे गरजेचे होते. मात्र संबंधित विभागाने उड्डानपुल केले नसल्याने अपघाताचे प्रमाण वाढले. आजचा अपघात घडल्यानंतर बागपिंपळगावचे लोक रस्त्यावर उतरले. त्यांनी घटनास्थळी रस्तारोको आंदोलन केले. मृतदेह दुपारी दीड वाजेपर्यंत घटनास्थळीच पडून होता. घटनास्थळी पोलीसांनी धाव घेत सहाय्यक पोलीस निरीक्षक साबळे यांनी मध्यस्थी केल्यानंतर लोकांनी आंदोलन मागे घेतले.

रिपोर्टरची प्रत्येक बातमी आपल्याला अपडेट मिळण्यासाठी जॉईन करा आमचे टेलिग्राम चॅनल https://t.me/beedreporter

शिवाजी फुलारे आणि बाबासाहेब मुगुटवार हे दोघे जण मोटरसायकलवरून बागपिंपळगावकडे जात होते. बागपिंपळगाव फाट्याजवळ त्यांच्या मोटर सायकलला ट्रकने जोराची धडक दिली. या अपघातात शिवाजी फुलारे (वय ३६) हे जागीच ठार झाले. तर बाळसाहेब मुगुटराव (वय ३८) हे गंभीर जखमी झाले. त्यांना उपचारार्थ रूग्णालयात दाखल करण्यात आले. बाग पिंपळगाव फाटा आणि कॅप्टन पेट्रोलपंपसमोर सातत्याने अपघात होत आहेत. याठिकाणी उड्डानपुल नसल्याने अपघाताचे प्रमाण वाढले. हायवे रस्ता तयार करत असतांना दोन्ही ठिकाणी उड्डानपुल करणे गरजेचे असतांना संबंधित विभागाने याकडे दुर्लक्ष केले. आजचा अपघात झाल्यानंतर बागपिंपळगाव येथील नागरिक रस्त्यावर उतरले. त्यांनी घटनास्थळी आंदोलन केले, दुपारी दीड वाजेपर्यंत मृतदेह घटनास्थळीच होता. लोकांचा संबंधित विभागाविरोधात तिव्र संताप होता. दरम्यान घटनेची माहिती गेवराई पोलीसांना झाल्यानंतर सहाय्यक पोलीस निरीक्षक प्रफुल्ल साबळे यांनी धाव घेत या प्रकरणी मध्यस्थी केली व त्यानंतर लोकांनी रस्ता खुला केला होता.

Most Popular

दुर्दैवी घटना -पोहायला गेलेल्या तीन अल्पवयीन मित्रांचा दुर्दैवी मृत्यू

बीड -ऑनलाईन रिपोर्टरपोहण्याचा साठी गेलेल्या तीन मित्रांचा खदाणीतील पाण्यात बुडून दुर्दैवी मृत्यू झाल्याची घटना बीड शहारा जवळील पांगरबावडी शिवारात घडली . सकाळी...

जिल्ह्यात आज आले 1211 पॉझिटिव्ह

बीड (रिपोर्टर):राज्यातील कोरोना अटोक्यात आणण्यासाठी शासनाने कडक निर्बंध लावले असले तरी कोरोना रुग्णांची संख्या कमी होत नसल्याचे दिसून येते. बीड जिल्ह्यात आज...

कोरोनाच्या दुसर्‍या लाटेचे जिल्ह्यात गंभीर परिणाम अंबाजोगाईत ४८ तासात २३ मृतदेहांवर अंत्यसंस्कार

काल १२ तर दुपारपर्यंत दोन मृतदेहांवर अंत्यसंस्कार, अजूनही ९ मृतदेह शवागृहात असल्याची माहितीअंबाजोगाई (रिपोर्टर):- राज्यासह देशभरात फैलावलेल्या कोरोनाच्या दुसर्‍या लाटेचे गंभीर परिणाम...

पाच हजार रुपयांसाठी मयताच्या नातेवाईकांना आगारात बोलावले गेवराई आगारातील कर्मचार्‍यांनी व्यक्त केला संताप

गेवराई (रिपोर्टर) : येथील आगारातील चालक संतोष गायकवाड यांचा कोरोना आजाराने बुधवार ता. १४ रोजी औरंगाबाद येथील घाटी रुग्णालयात उपचारादरम्यान मृत्यू झाला....