परळी (रिपोर्टर) धर्मवीर छत्रपती संभाजी महाराज हे धर्मवीर नव्हते असे म्हणत विधानसभेचे विरोधी पक्षनेते अजित पवार यांनी धर्मवीर छत्रपती संभाजी महाराज बलिदानाचा आणी हुतात्म्यांचा अवमान केल्याच्या निषेधार्थ आज शहरातील राणी लक्ष्मीबाई टावर येथे भारतीय जनता पार्टी आणि भारतीय जनता युवा मोर्चाच्या वतीने भाजपाच्या राष्ट्रीय सचिव माजी मंत्री पंकजाताई मुंडे, बीड जिल्ह्याच्या खा. डॉ. प्रीतमताई मुंडे यांच्या मार्गदर्शनाखाली भारतीय जनता पार्टी युवा मोर्चाचे बीड जिल्हा अध्यक्ष निळकंठ चाटे यांच्या नेतृत्वाखाली विरोधी पक्षनेते अजित पवार यांच्या निषेधार्थ घोषणाबाजी करत व अजित पवारांच्या प्रतिमेला जोडे मारत निषेध करण्यात आला.
विधानसभेचे विरोधी पक्षनेते अजित दादा पवार यांनी नागपूर येथे झालेल्या दिवाळी अधिवेशनात छत्रपती संभाजी महाराज हे धर्मवीर नव्हते तर संभाजी महाराज स्वराज्य रक्षक होते असे म्हणत धर्मवीर छत्रपती संभाजी महाराजांनी हिंदू धर्मासाठी दिलेल्या बलिदानाचा व हुतात्माचा अवमान केला होता पवारांच्या वक्तव्यामुळे भारतीय जनता पार्टीच्या वतीने राज्यभरात तीव्र आंदोलन करण्यात येत आहे याच अनुषंगाने आज परळी वैजनाथ येथे भाजपच्या वतीने अजित पवार यांच्या प्रतिमेस जोडे मारून व अजित पवार मुर्दाबाद अशा घोषणा देऊन निषेध व्यक्त करण्यात आला. यावेळी कार्यकर्त्यांनी धर्मवीर छत्रपती संभाजी महाराज की जय, अजित पवारांचा अधिकार असो, अजित पवारांचं करायचं काय खाली मुंडक वर पाय अशा घोषणा दिल्या. यावेळी भारतीय जनता पार्टी युवा मोर्चाचे बीड जिल्हाध्यक्ष निळकंठ चाटे, माजी नगराध्यक्ष वैजनाथ जगतकर, भारतीय जनता पार्टी महिला आघाडीच्या बीड जिल्हाध्यक्ष डॉ. शालिनीताई कराड, अँड अरुण पाठक, सुशील हरनगुळे , कुरील मॅडम, सचिन गित्ते, युवा नेते अश्‍विन मोगरकर, महादेव इटके, पवन तोड़करी ,सुचिता पोखरकर, जयश्रीताई मुंडे गित्ते, नितीन समशेट्टी, किशोर केंद्रे, अनिश अग्रवाल, मोहन जोशी, अरुण मुंडे ,ऋषिकेश नागापुरे, दीपक जोशी, राजेंद्र ओझा ,चेतन मुंडे, कृष्णा मुंडे, वैजनाथ रेकने,योगेश पांडकर, सुरेश सातभाई, गजानन राजनाळे, आकाश मुंडे, विशाल कराड, जितेंद्र मस्के, ओंकार गित्ते आदिसह भाजपाचे पदाअधिकारी व कार्यकर्ते मोठ्या संख्येने उपस्थित होते.
धर्मवीर छत्रपती संभाजी महाराज यांच्याबद्दल केलेल्या वक्तव्याबद्दल अजित पवारांचा परळी येथे निषेध
