Wednesday, September 22, 2021
No menu items!
Homeक्राईमपरळीतून व्यापार्‍यांचे २५ लाख दिवसाढवळ्या पळविले

परळीतून व्यापार्‍यांचे २५ लाख दिवसाढवळ्या पळविले


चालक समोसे आणण्यास जाताच चोरट्यांनी डाव साधला

परळी (रिपोर्टर)- औरंगाबादच्या व्यापार्‍याने वसुली करून आणलेले २५ लाख रुपये चारचाकी गाडीमध्ये ठेवले होते. अन्य वसुली करण्यासाठी ते गेले होते. गाडीत चालक होता मात्र चालकाने पैसे सोबत न नेता पैसे गाडीत ठेवून तो समोसे आणण्यासाठी गेला. तितक्यात चोरट्यांनी गाडीतील २५ लाख रुपये लांबविले. ही घटना आज सकाळी कृषी उत्पन्न बाजार समितीत घडली.
संजय गंगावले हे औरंगाबादचे व्यापारी अंबाजोगाईहून परळीला वसुलीसाठी आले होते. आतापर्यंतचे वसुलीचे पैसे जवळपास २५ लाख रुपये त्यांनी गाडीमध्ये ठेवले आणि इतर ठिकाणची वसुली करण्यासाठी ते परळी शहरामध्ये गेले होते. गाडीत चालक होता. चालक पैसे गाडीत ठेवून समोसे आण्यासाठी गेला. तितक्यात चोरट्यांनी डाव साधत गाडीतील २५ लाख रुपये पळविले. परत आल्यानंतर पैसे चोरीला गेल्याचे निदर्शनास आल्यानंतर याची माहिती परळी पोलिसांना देण्यात आली. त्यानुसार पोलिसांनी घटनास्थळी धाव घेऊन पंचनामा केला. या प्रकरणी अज्ञात चोरट्यांविरोधात गुन्हा दाखल करण्यात आला असून चोरट्यांचा शोध पोलिस घेत आहेत.

ताज्या बातम्यांसाठी टेलीग्रामवर आमचं चॅनेल (@beedreporter) जॉइन करा येथे क्लिक करा आणि महत्त्वाच्या न्यूज अपडेट मिळवा.

Most Popular

error: Content is protected !!