मला तू आवडतेस म्हणत, भर रस्त्यात विद्यार्थिनीची काढली छेड

मित्रनगर परिसरातील घटना
बीड (रिपोर्टर) महाविद्यालयातून घरी जाणार्‍या एका विद्यार्थिनीचा रस्ता अडवत ‘मला तू आवडतेस’ असे म्हणत भररस्त्यात तिची छेड काढल्याची घटना काल सायंकाळी पाच वाजता मित्रनगर भागात घडली. विद्यार्थिनीने त्या टगेखोराला जागेवरच सुनावले. हा सर्व प्रकार तेथील सीसीटीव्ही कॅमेर्‍यात कैद झाला आहे. या प्रकरणी शिवाजीनगर पोलिसात दुपारी उशीरापर्यंत तक्रार दाखल झालेली नव्हती.

बीड तालुक्यातील एक महाविद्यालयीन विद्यार्थिनी शहरातील कॉलेजमध्ये शिक्षण घेते. ती मित्रनगर भागात राहते. कॉलेजहून घरी जाताना काल सायंकाळी पाच वाजता दुचाकीवर आलेल्या एका टगेखोराने भररस्त्यात दुचाकी आडवी लावत ‘मला तू आवडतेस, असे म्हणून तिची छेड काढली. त्या विद्यार्थिनीने त्याला तिथेच सुनावले. हा प्रकार तेथील सीसीटीव्ही कॅमेर्‍यात कैद झाला आहे. या प्रकरणी आज दुपारी उशीरापर्यंत शिवाजीनगर पोलिसात कसलीही तक्रार दाखल नव्हती.