Saturday, March 6, 2021
No menu items!
Home बीड बहिणीला भेटण्यासाठी जाणार्‍या भावावर काळाचा घाला रांजणी गावावर शोककळा

बहिणीला भेटण्यासाठी जाणार्‍या भावावर काळाचा घाला रांजणी गावावर शोककळा

गेवराई (रिपोर्टर)- अपघातात जखमी झालेल्या बहिणीला भेटण्यासाठी मोटारसायकलवरून औरंगाबादकडे जाणार्‍या भावावरही काळाने घाला घातला. दोन दुचाकींच्या समोरासमोर झालेल्या या अपघातात त्याचा मृत्यू झाला तर अन्य दोघे जण जखमी झाल्याची घटना रात्री साडे नऊ वाजता राक्षसभुवन फाटा येथे घडली.
दिवाळीच्या पुर्वसंध्येला घडलेल्या या घटनेने गेवराई तालुक्यातील रांजणी येथे शोककळा पसरली. येथील शिवराज बालासाहेब सावंत (वय १९ वर्षे, रा. रांजणी) याच्या चुलत बहिणीचा अपघात गेल्या दोन दिवसांपूर्वी झाला होता. ती औरंगाबाद येथे उपचार घेत होती. तिला भेटण्यासाठी काल सायंकाळी दुचाकीवरून शिवराज सावंत, योगेश सावंत व विजय सावंत हे रांजणीहून औरंगाबादला जात होते. रात्री साडे नऊ वाजता राक्षसभुवन फाट्यावर त्यांच्या दुचाकीला अन्य एका दुचाकीने जोराची धडक दिल्याने झालेल्या अपघातात शिवराज बालासाहेब सावंत हा जागीच ठार झाला तर त्याच्या सोबत असलेले योगेश सावंत आणि विजय सावंत हे जखमी झाले आहेत. दिवाळीच्या पुर्वसंध्येला सदरची घटना घडली. शिवराज हा ज्या रस्त्याने जात होता त्याच रस्त्याने समोरून विरुद्ध दिशेने मोटारसायकल चालक आपली गाडी भरधाव वेगाने घेऊन आला. वन-वे असताना समोरचा मोटारसायकल चालक हा त्या रस्त्याने आल्याने सदरचा अपघात घडला आणि दुर्दैवाने शिवराज याला आपला जीव गमवावा लागला.

Most Popular

गढी येथील नवोदय विद्यालयातील १२ विद्यार्थी कोरोना बाधित ; जिल्हाधिकारी रवींद्र जगताप यांची भेट

नवोदय विद्यालयातील सर्व विद्यार्थी अध्यापक आणि कर्मचाऱ्यांची कोरोना तपासणी करावी - जिल्हाधिकारी गेवराई (भागवत जाधव)

सुनेच्या त्रासाला कंटाळून सासर्‍याची आत्महत्या; सुने विरुद्ध गुन्हा दाखल

बीड (रिपोर्टर)- सुनेच्या त्रासाला कंटाळून सासर्‍याने गळफास घेऊन आत्महत्या केल्याची घटना २४ फेब्रुवारी रोजी घडली असून या प्रकरणी बीड ग्रामीण पोलिस ठाण्यात...

जिल्ह्यात पॉझिटिव्ह रुग्णांचा आकडा वाढला ९५ रुग्ण पॉझिटिव्ह

सर्वाधिक बीडचे ३८बीड (रिपोर्टर)- बीड जिल्ह्यामध्ये कोविडच्या रुग्णांची संख्या मध्यंतरी कमी झाली होती. मात्र आता पुन्हा कोविडने डोके वर काढले. काल ५७...

मांजरसुंबा घाटात ट्रक उलटला लोकांनी नारळ लुटले

बीड (रिपोर्टर)- मांजरसुंबा घाटात दिवसाआड अपघाताची मालिका सुरु असून आज सकाळी नारळ घेऊन बीडकडे येणारा एक टेम्पो पलटल्याने त्याला पाठिमागून दुसरे दोन...