जन्मस्थळाला प्रदक्षणा; हेलिकॉप्टरने पुष्पवृष्टी, भक्तांची मांदियाळी, नारायणगडाचा नारळी सप्ताह आजपासून सुरू
बीड (रिपोर्टर) श्री संत नगदनारायण महाराज यांच्या जन्मस्थळी आज सकाळी नगदनारायण महाराजांच्या पादुका हेलिकॉप्टरद्वारे नेण्यात आल्या. श्रीक्षेत्र नारायणगडाचा नारळी सप्ताह आजपासून सरळेगावात सुरू होत असून त्यानिमित्त जन्मस्थळी हेलिकॉप्टरमधून पुष्पवृष्टी करण्यात आली. या वेळी श्रीक्षेत्र नारायणगडाचे मठाधिपती ह.भ.प. शिवाजी महाराज हे महाराजांच्या पादुका घेऊन सुरळेगावमध्ये हेलिकॉप्टरने पोहचले. त्याठिकाणी उपस्थित भक्तांनी मोठ्या उत्साहात आणि भक्तीमय वातावरणात पादुकांचे पुजन केले.
श्रीसंत नगदनारायण महाराज यांचे गेवराई तालुक्यातले सुरळेगाव हे जन्मस्थान आहे. याठिकाणी श्रीक्षेत्र नारायणगडाचा (पान 7 वर)
नारळी सप्ताह आजपासून सुरू होत आहे. त्यानिमित्त येथील गावकर्यांनी श्री नगदनारायण महाराज यांच्या पादुका हेलिकॉप्टरद्वारे आणण्याचा संकल्प केला होता. त्यानुसार अत्यावश्यक त्या परवानग्या घेण्यात आल्या होत्या. आज मंगळवारी सकाळी हेलिकॉप्टर नारायणगड येथे डेरेदाखल झाले. त्यामध्ये श्री संत नगदनारायण महाराजांच्या पादुकासह गडाचे मठाधिपती महंत शिवाजी महाराज हे विराजमान झाले. नारायणगडावरून हे हेलिकॉप्टर सुरळेगावकडे निघाले. नगदनारायण महाराजाचंया पादुका हेलिकॉप्टरने येणार असल्याने गावामध्ये पंचक्रोशीतील लोक मोठ्या संख्येने उपस्थित होते. हेलिकॉप्टर सुरळेगावाच्या परिसरात येताच सर्वप्रथम हेलिकॉप्टरनेच जन्मस्थळाला पाच प्रदक्षणा घालण्यात आल्या. या वेळी पुष्पवृष्टी करण्यात आली. हेलिकॉप्टर सुरळेगावात पोहचल्यानंतर विधिवतपणे उपस्थित भक्तांनी पादुकांचे पुजन केले. सर्वप्रथम महंत शिवाजी महाराज यांनी समाधीस्थळाचे दर्शन घेतले. त्यानंतर पुढील कार्यक्रमाला सुरुवात झाली. आगामी सात दिवसांमध्ये विविध नामवंत किर्तनकार, प्रवचनकारांची सेवा या ठिकाणी लाभणार आहे. या सप्ताहाच्या कार्यक्रमास मोठ्या संख्येने उपस्थित राहण्याचे आवाहन करण्यात आले आहे. आज पहिल्या दिवशी कार्यक्रमासाठी माजी मंत्री शिवाजीराव पंडित, जन्मस्थळाचे महंत रंगनाथ महाराज, ह.भ.प. संभाजी महाराज, माजी मंत्री बदामराव पंडित, सरपंच संदीप कुर्हाडे, ह.भ.प. रामराव महाराज ढोक, ज्योतीताई मेटे, नारायण काशीद, अनिल जगताप, दिलीप गोरे, रामहरी मेटे, शिवराज पवार, बी.बी. जाधव, बळीराम गवते, राजेंद्र मस्के, बापूसाहेब चव्हाण, गंगाधर काळकुटे, भाऊसाहेब नाटकर यांच्यासह विविध क्षेत्रातले मान्यवर या ठिकाणी उपस्थित होते.