परळी निवासस्थानी धमकीचा फोन; भुजबळांपाठोपाठ मुंडेंनाही धमकी
परळी (रिपोर्टर): शिंदे-फडणवीस-पवार सरकारमधील मंत्र्यांना थेट जिवे मारण्याच्या धमक्या येत असून मंत्री छगन भुजबळ यांना जिवे मारण्याची धमकी आल्यानंतर मध्यरात्री धनंजय मुंडे यांच्या परळीतील निवासस्थानी लँडलाईनवर अज्ञात व्यक्तीने फोन करून धमकी दिली. ‘मला धनंजय मुंडे यांना मारण्याची सुपारी मिळाली आहे’, असे सांगत ‘पन्नास लाख द्या, नसता जिवे मारीन’ असे संबंधित व्यक्तीने म्हटले. या फोनची गंभीर दखल घेत पोलिसांकडे तक्रार करण्यात आली. पोलीस संबंधित व्यक्तीचा शोध घेत आहेत.
मंत्री छगन भुजबळ यांच्यापाठोपाठ शिंदे-फडणवीस-पवार सरकारमधील आणखी एका मंत्र्याला जीवे मारण्याची धमकी मिळाली आहे. नवनिर्वाचित मंत्री धनंजय मुंडे यांना जीवे मारण्याची धमकी (ऊशरींह ढहीशरीं) आली आहे. धनंजय मुंडे यांच्या परळीतील (झरीरश्रळ) घरी धमकीचा फोन आला होता. मला 50 हजार रुपये द्या, नाहीतर मी तुम्हाला जीवे मारिन अशी धमकी फोन करणार्‍या अज्ञात व्यक्तीनं दिल्याची माहिती मिळत आहे. दरम्यान, याप्रकरणी पोलिसांत तक्रार दाखल करण्यात आली असून अज्ञात व्यक्तीवर पोलिसांनी गुन्हा दाखल केला आहे.
मंत्री छगन भुजबळ काल पुण्यात असताना त्यांच्या कार्यकर्त्याच्या मोबाईलवर धमकीचा फोन आला. त्यापाठोपाठ मंत्री धनंजय मुंडे यांनाही धमकी देण्यात आली आहे. काल (सोमवारी) मध्यरात्री 12 वाजता एका अज्ञात व्यक्तीनं फोन करुन धनंजय मुंडे यांना जीवे मारण्याची धमकी दिली. मला पन्नास लाख रुपये द्या, नाहीतर मी धनंजय मुंडे यांना जीवे मारिन, अशी धमती फोनवरुन एका अज्ञात व्यक्तीनं दिली. धनंजय मुंडे यांच्या बीडमधील परळी येथील निवासस्थानी असलेल्या लँडलाईनवर धमकीचा फोन आला होता. या प्रकाराची माहिती तात्काळ पोलिसांना देण्यात आली. पोलिसांनी या प्रकरणाची दखल घेत, तपास सुरू केला आहे. याप्रकरणी तक्रार दाखल करण्यात आली असून पोलिसांनी अज्ञात व्यक्तीवर गुन्हा दाखल केला आहे. ज्या व्यक्तीनं धनंजय मुंडे यांच्या निवासस्थानी फोन केला होता. त्यानं सांगितलं की, मला धनंजय मुंडे यांना मारण्याची सुपारी देण्यात आली आहे. मला तुम्ही 50 लाख रुपये द्या, नाहीतर मी धनंजय मुंडेंना जीवे मारिन. दरम्यान, असाच धमकीचा फोन मंत्री छनग भुजबळ यांनाही आला होता. त्यांच्या कार्यालयातील एका कार्यकर्त्यांच्या मोबाईलवर फोन करुन ही धमकी देण्यात आली आहे. धमकी देणार्‍यानं छगन भुजबळ यांना जीवे मारण्याची सुपारी मिळाल्याचं सांगितलं. दरम्यान, धमकी देणार्‍याला पुणे पोलिसांकडून अटक करण्यात आली आहे. संबंधित व्यक्तीनं मद्यधुंद अवस्थेत धमकीचा फोन केल्याची माहिती पोलिसांनी दिली आहे.
भुजबळांना धमकी देणारा अटकेत
छगन भुजबळ काल पुण्यात असताना त्यांच्या कार्यकर्त्याच्या मोबाईलवर फोन आला. फोन करणार्‍या व्यक्तीनं मंत्री छगन भुजबळांना जीवे मारण्याची सुपारी मिळाल्याचं सांगितलं. धमकी देणार्‍या व्यक्तीनं स्वतःचं नाव प्रशांत पाटील असल्याचं सांगितलं. त्यानंतर पोलिसांनी धमकी देणार्‍याला अटक केली आहे.
