अपघातात जखमी झालेल्या बीडच्या पोलीस कर्मचार्‍याचा मृत्यू
शासकीय इतमामात होणार अंत्यसंस्कार
बीड
शहरातील यशवंतराव चव्हाण नाट्यगृह रोडवर जिज्ञासा अकॅडमीच्या बाजूला असलेल्या एटीएम समोर (दि.6 जुलै रोजी) दुचाकीचा अपघातात होवून पेठ बीड पोलीस ठाण्यात पोलीस शिपाई पदावर कार्यरत असलेले पोलिस कर्मचारी गंभीर जखमी झाले होते. त्यांच्यार औरंगाबाद येथील खासगी रुग्णालयात उपचार सुरु असतांना रात्री त्याचां उपचारादरम्यान मृत्यू झाला. त्यांचा अंतविधी आज दुपारी त्यांच्या मुळ गावी काळेगाव येथे शासकीय इतमामात होणार आहे.
मागील चार दिवसापूर्वी पेठ बीड पोलीस ठाण्यात कार्यरत असलेले गणपत पवार (वय 35 वर्षे) यांच्या दुचाकीचा शहरातील यशवंतराव चव्हाण नाट्यगृह रोडवर जिज्ञासा अकॅडमीच्या बाजूला असलेल्या एटीएम समोर अपघात झाला होता. त्यांना बीड येथील खासगी रुग्णालयात उपचारासाठी दाखल करण्यात आले.
प्रकृती गंभीर असल्याने औरंगाबाद येथे पुढील उपचारासाठी हलवण्यास आले. सिग्मा रुग्णालयात उपचार सुरु रात्री त्यांचा मृत्यू झाला. अंत्यविधी त्यांच्या मूळ गावी काळेगाव येथे आज दुपारी 1 वाजता करण्यात येणार आहे. त्यांच्या पश्चात एक मुलगा,एक मुलगी, पत्नी असा परिवार आहे.
