बीडमध्ये सामाजिक कार्यकर्त्यांचे आंदोलन
गेवराईत आक्रोश आंदोलन
बीड (रिपोर्टर): मणिपूर राज्यात गेल्यात तीन महिन्यांपासून हिंसाचार उफाळून आलेला आहे. यात कित्येकांना आपला जीव गमवावा लागला आहे. घरदार सोडावे लागले आहे. कुकी समाजाच्या लोकांना यात त्रास सहन करावा लागत आहे. या समुदायाच्या महिलांना निर्वस्त्र करून त्यांची धिंड काढली. या राष्ट्रीय मानहानीकारक घटनेच्या निषेधार्थ यातील दोषींना मृत्यूदंडाची शिक्षा देण्यात यावी, तेथील सरकार बरखास्त करावे, आणीबाणी घोषीत करावी, आणि कोर्ट परिसरात असलेला महामानव डॉ. बाबासाहेब आंबेडकर यांचा फोटो काढण्यात या घटनेच्या व परिपत्रकाच्या निषेधार्थ आज जिल्हाधिकारी कार्यालयासमोर निषेध आंदोलन करण्यात आले व आपल्या मागण्यांचे निवेदन जिल्हाधिकघार्‍यांना देण्यात आले.
भारतातील मणिपूर राज्यात मैतई आणि कुकी समाजात हिंसाचार उफाळून आला आहे. गेल्या तीन महिन्यांपासून या हिंसाचारात अनेक निरपराध लोकांना आपला जीव गमवावा लागला आहे. कुकी समाजाला सर्वात जास्त हिंसाचाराचे गालबोट लागले आहे. गेल्या दोन महिन्यांपूर्वी कुकी समुदायाच्या दोन महिलांना निर्वस्त्र करत त्यांची धिंड काढली. एका महिलेवर सामूहिक बलात्कार करण्यात आला. तरीही केंद्र सरकार तेथील हिंसाचार थांबवण्यासाठी पावले उचलत नाही, तत्काळ केंद्र सरकारने तेथील सत्तेवर असलेले सरकार बरखास्त करावे, महिलांव हिंसाचार करणार्‍या आरोपींना मृत्यूदंडाची शिक्षा ठोठावी व याच राज्यात कोर्ट परिसरातील डॉ. बाबासाहेब आंबेडकरांची प्रतिमा हटविण्यासाठी परिपत्रक काढले अहे. वरील सर्व घटनेच्या निषेधार्थ आज जिल्हधिकारी कार्यालयासमोर आक्रोश अंदोलन करर्‍यात आले व आपल्या मागण्यांचे निवेदन जिल्हाधिकार्‍यांमार्फत देशाच्या राष्ट्रपती द्रोपदी मुर्मू, पंतप्रधान नरेंद्र मोदी, राष्ट्रीय मानव अधिकार आयोग यांना देण्यात आले. या निवेदनावर सामाजिक कार्यकर्ते गणेश ढवळे, आम आदमी पक्षाचे अशोक येडे, अ‍ॅड. करुणा टाकसाळ, शेख शफीक भाऊ, रामनाथ खोड, दत्ताभाऊ बारगजे, संगमेश्वर आंधळकर, रामधन जमाले, तांदळे सुदाम, अ‍ॅड. राजेश शिंदे हे सहभागी झाले होते.
गेवराई – मणिपूर येथील आदिवासी स्त्रिया वरील झालेल्या अत्याचाराच्या निषेधार्थ डॉ. बाबासाहेब आंबेडकर (संविधान चौक) येथून गेवराई शहरातील महिला पुरुषांनी शांती मार्च काढून गेवराई तहसीलदार यांना निवेदन दिले. मणिपूर राज्यातील कुकी आदिवासीवर झालेले निर्घुण हल्ले, खून, बलात्कार या घटना म्हणजे संविधानावरील हल्ला आहे असे गेवराई तहसील कार्यालयासमोरील सभेत बोलताना मुक्ता आर्दड यांनी व्यक्त केले.
गेवराई शहरातील विविध सामाजिक संस्था, संघटनांच्या प्रतिनिधी महिला आणि पुरुष बहुसंख्येने या कार्यक्रमात उपस्थित होते. या कार्यक्रमांमध्ये गेवराई शहरातील विविध क्षेत्रात काम करणार्‍या महिलांची उपस्थिती लक्षणीय होती. ज्योती निकम, योगिता तांबारे, मुक्ता आर्दड, ज्ञानेश्वरी आर्दड, शाहीन पठाण, मंगलताई पवार, शरयू मोटे, संध्या माटे या महिलांनी मणिपूर घटनेचा तीव्र शब्दात निषेध करून आरोपींना कठोर शासन करून फाशीची शिक्षा दिली पाहिजे अशा भावना व्यक्त केल्या. 
यावेळी सामाजिक कार्यकर्ते कडूदास कांबळे, एस वाय अन्सारी, ड. सुभाष निकम, प्रकाश भोले, यांनीही मणिपूर येथील घटनेचा निषेध व्यक्त करूनविचार व्यक्त केले. मणिपुर येथील कुकी आदिवासी वर झालेले खुनी हल्ले, तेथील महिलांचे झालेले लैंगिक शोषण आणि या शोषणानंतर त्यांना जिवंत जाळणे या घटना माणुसकीला काळिंबा फासणार्‍या आहेत. या घटना उजेडात येऊ नयेत म्हणून तेथील इंटरनेट यंत्रणा दोन महिने बंद केली होती. तब्बल दोन महिन्यानंतर या घटना समोर येत आहेत आणि आजपर्यंत ही येथील शासन सर्व संबंधित गुन्हेगारांना ताब्यात घेण्यास समर्थ आहे, ही खेदजनक बाब आहे असे मत यावेळी बोलताना सुभाष निकम यांनी व्यक्त केले.
डॉक्टर बाबासाहेब आंबेडकर चौका येथून निघालेल्या या शांती मार्चचे गेवराई शहरातील नागरिक अभिनंदन करताना दिसत होते. आम्हीही गेवराईतील सर्व लोक या न्यायाच्या बाजूने उभे आहोत अशी अनेक नागरिकांनी प्रतिक्रिया यावेळी व्यक्त केली.
हा कार्यक्रम यशस्वी करण्यासाठी ज्ञानेश्वरी आर्दड, जगदाळे संजीवनी, रोहिणी देशमुख, सुषमा वाव्हळ, कल्पना पवार, संगीता सागडे, अशा कदम, शकुंतला घुंगासे, यांनी विशेष परिश्रम घेतले होते. या कार्यक्रमांमध्ये ड. बाळासाहेब घोक्षे, विकास गायकवाड सुंदर बप्पा काळे, देविदास सोनाग्रा, रामकृष्ण चेडे, बाळासाहेब प्रधान, सय्यद अलीम सत्तार, विलास सोनवणे, अनिल बोराडे, शेख बशीर, दिलीप स्वामी, शिवाजी डोंगरे, डॉक्टर निकाळजे प्रभाकर, प्रदीप भास्करराव, सुवर्णा मोटे, निर्मला अरुण, साळुंखे शरला, मोनाली सावंत, पुनम भोसले अर्जुन सुतार, शेख खजीर, जयदेव शिंगणे या प्रमुख कार्यकर्त्यांनी विषय सहभाग नोंदवला होता.
