बीड (रिपोर्टर) महामार्गावरील अनेक हॉटेल, धाब्यांवर सर्रासपणे दारू विक्री होत आहे. याबाबत आयपीएस रश्मिता राव यांनी स्वत: पात्रुड येथील एका हॉटेलवर छापा मारून 69 हजार 191 रुपयांची विदेशी दारू जप्त केली. ही कारवाई आज सकाळी करण्यात आली.
माजलगाव-गढी रोडवरील अनेक हॉटेल धाब्यांवर बिनबोभाट कोणतीही दारू मिळते. सहज दारू उपलब्ध होत असल्याने अनेक गुन्हेगारी घटना घडत आहेत. त्यामुळे अवैध दारू विक्री बंद करण्यासाठी माजलगावच्या रश्मिता राव यांनी स्वत: पात्रुड रोडवरील परभणी टी पॉईंटजवळील विजय विशाल हॉटेलवर छापा टाकून विदेशी दारू जप्त केली. या वेळी अमर होकेे यांन पोलिसांनी ताब्यात घेतले असून त्याच्या विरोधात ग्रामीण पोलिसात गुन्हा दाखल केला आहे. ही कारवाई रश्मिता राव, एपीआय जोनवाल, पीएसआय बोडखे, पीएसआय दाभाडे, पोलिस नाईक राठोड, पो.कॉ. आसेवार यांनी केली.
