मॉर्निंग वॉकला गेलेल्या तरुणाचा अपघाती मृत्यू
बीड शहरात घडली घटना
बीड (रिपोर्टर): मॉर्निंग वॉकला जात असताना तरुणाच्या गाडीला अपघात झाल्याने सदरील तरुण गंभीररित्या जखमी झाला होता. उपचारा दरम्यान तरुणाचा मृत्यू झाल्याची घटना घडली आहे. अपघात कॅनल रोड परिसरामध्ये घडला होता.
उमेश राजेंद्र घिगे (रा. शिंदेनगर) हा तरुण व अन्य दोघे जण असे तिघे एका मोटारसायकलवर वॉकिंगसाठी जात होते. त्यांची मोटारसायकल रस्त्यालगत धडकली. यात तिघे जखमी झाले होते. उमेश घिगे यास जबर मार लागल्याने त्याला उपचारार्थ रुग्णालयात दाखल करण्यात आले होते. उपचारा दरम्यान त्याचा मृत्यू झाला आहे.
