गेवराई (रिपोर्टर): जायकोमाता येथील मंदिरासमोर असलेली दानपेटी अज्ञात आरोपीने पळविल्याची घटना 12 सप्टेंबर रोजी घडली असून या प्रकरणी काल गेवराई पोलिसात गुन्हा दाखल करण्यात आला आहे.
माणिक विठोबा जिटे या पुजार्‍याने दिलेल्या फिर्यादीत म्हटले आहे की, कुंभारवाडी (ता. गेवराई) येथील जायकोमाता मंदिरात दानपेटी होती. ती अज्ञात चोरट्याने 12 सप्टेंबरच्या रात्री चोरून नेली. त्यामध्ये अंदाजे 15 हजार रुपये असावेत. या प्रकरणी अज्ञात चोरट्याविरोधात गेवराई ठाण्यात गुन्हा दाखल झाला असून पुढील तपास सहायक फौजदार गर्जे हे करत आहेत.
