बीड शहरामध्ये दोन तरुणांच्या गळफास घेऊन आत्महत्या
आत्महत्येचे कारण समजू शकले नाही
बीड (रिपोर्टर)- शहरातील गणेशनगर भागात राहणार्‍या एका तरुणाने गळफास घेऊन आत्महत्या केल्याची घटना आज सकाळी उघडकीस आली आहे. दुसरी आत्महत्येची घटना इस्लामपुरा भागामध्ये घडली. या दोन्ही तरुणांनी कुठल्या कारणावरून आत्महत्या केल्या हे मात्र समजू शकले नाही. यााबबत प्रथमदर्शनी आकस्मीक मृत्यूची नोंद करण्यात आली आहे.
गणेश नगर येथील निकेश रोकडे या तरुणाने आपल्या राहत्या घरी गळफास घेऊन आत्महत्या केली. सदरील हा प्रकार त्यांच्या घरातील लोकांच्या निदर्शनास आल्यानंतर या घटनेची माहिती बीड शहर पोलिसांना कळविण्यात आली. मृतदेहाचे जिल्हा रुग्णालयामध्ये शवविच्छेदन करण्यात आले. दुसरी आत्महत्येची घटना इस्लामपुरा भागातील एका बेकरीसमोर राहणार्‍या तरुणाने केली. सदरील या तरुणाचे नाव शेख खमर आहे. या घटनेची माहिती पेठ बीड पोलिसांना कळविण्यात आल्यानंतर पोलिसांनी घटनास्थळी येऊन पंचनामा केला. या दोन्ही आत्महत्याच्या घटना आज सकाळी उघडकीस आल्या असून या घटनांचे कारण स्पष्ट झाले नव्हते.
