बीड (रिपोर्टर)- वंचित बहुजन आघाडीचे सर्वेसर्वा अ‍ॅड. बाळासाहेब आंबेडकर यांची उद्या बीड येथे जाहीर सभा होत आहे. या सभेला जिल्हाभरातील हजारो कार्यकर्त्यांची उपस्थिती राहणार असून बाळासाहेब आंबेडकर काय बोलणार याकडे सर्वांचे लक्ष लागून राहिले आहे.
छत्रपती संभाजी महाराज क्रीडांगण (मल्टिपर्पज ग्राऊंड) या ठिकाणी उद्या दि. 11 ऑक्टोबर रोजी दुपारी 2 वाजता अ‍ॅड. बाळासाहेब आंबेडकर यांची जाहीर सभा होत आहे. या सभेची तयारी गेल्या काही दिवसांपासून होत आहे. ही सभा मोठी व्हावी यासाठी वंचीतचे कार्यकर्ते परिश्रम घेत आहेत. उद्याच्या सभेमध्ये अ‍ॅड. आंबेडकर कोणावर तोफ डागणार याकडे सर्वांचे लक्ष लागून आहे. सभेला जिल्हाभरातील हजारो कार्यकर्ते उपस्थित राहणार आहेत.
