बीड (रिपोर्टर): नवगण राजुरी येथील सोन्या-चांदीच्या दुकानामध्ये दोघेजण ग्राहक म्हणून आले होते. या दोघांनी 36 हजार रुपयांचे सोन्याचे हुजूर चोरून नेले. या प्रकरणी अज्ञात चोरट्यांविरोधात बीड ग्रामीण पोलीस ठाण्यामध्ये गुन्हा दाखल करण्यात आला आहे.
वसंत जानू नुमाने यांचे नवगण राजुरी येथे श्रीगणेश ज्वेलर्स नावाचे दुकान आहे. या दुकानामध्ये दोघे जण दागिने खरेदी करण्यासाठी आले होते. दुकान मालकाचे लक्ष विचलीत करत दोघांनी 36 हजार रुपयांचे सोन्याचे हुजूर चोरून नेले. आपल्या दुकानातून सोन्याचे दागिने चोरीला गेल्याचे दुकानदाराच्या निदर्शनास आल्यानंतर त्यांनी याबाबत बीड ग्रामीण पोलीस ठाण्यात तक्रार दिली. त्यानुसार अज्ञात चोरट्याविरोधात गुन्हा दाखल करण्यात आला आहे.
0000
पत्नीस चाबुकाने मारहाण
बीड (रिपोर्टर): पती-पत्नीमध्ये वाद होऊन पतीने पत्नीस चाबुकाने मारहाण करून जखमी केल्याची घटना केज तालुक्यातील माळेवाडी येथे घडली.
सारिका विकास चंदनशिव रा. माळेवाडी या महिलेस तिचा पती विकास अर्जुन चंदनशीव याने लाथा-बुक्क्या व चाबकाने मारहाण करून जखमी केले. सदरील हा मारहाणीचा प्रकार घरगुती वादातून झाला आहे. या प्रकरणी सारिका चंदनशीव हिच्या फिर्यादीवरून विकास चंदनशीव, विमल चंदनशिव या दोघा जणांविरोदात केज ठाण्यात गुन्हा दाखल करण्यात आला आहे.
