बीड (रिपोर्टर): परळी शहरातील रेल्वे उड्डाणपुला नजीक मोटार सायकल आणि कंटेनर अपघातात एक जण जागीच ठार तर एक जण गंभीर जखमी झाल्याची घटना शनिवार दि 28 रोजी सायंकाळी घडली.
मिळलेल्या प्राथमिक माहितीनुसार परळी शहरातील रेल्वे उड्डाण पुलावर शनिवार दि 28 रोजी सायंकाळी 8 च्या सुमारास मोटार सायकल आणि मालवाहू कंटेनर क्रमांक एम.एच 26 एच 6038 यांची समोरासमोर धडक मोटारसायकल वर असलेला व्यक्ती कंटेनर खाली आल्याने जागीच ठार झाला तर सोबत असलेला एक व्यक्ती गंभीर जखमी झाला. जखमीस रुग्णालयात दाखल करण्यात आले. महामार्गावरील खड्डा चुकवत असताना हा अपघात झाला आहे. दरम्यान या ठिकाणी सातत्याने अपघात होत आहेत.
