केज, (रिपोर्टर)ः- भरधाव वेगात निघालेली एसटी बस खड्डा चुकवत असतांना पलटी झाली. यामध्ये 50 ते 60 प्रवासी जखमी झाले ही घटना आज दुपारी चंदनसावरगाव जवळ घडली. अपघाताची माहिती परिसरातील नागरीकांना झाल्यानंतर अनेकांनी घटनास्थळी धाव घेवून अनेकांना रूग्णालयात दाखल केले. यात काहींची प्रकृती गंभीर असल्याचे सांगण्यात आले.
आज दुपारी अहमदपुर वरून छत्रपती संभाजीनगरकडे निघालेली एसटी बस एम.एच.20. बी.एल.2572 ही चंदन सावरगाव जवळ पलटी झाली. खड्डा चुकवतांना गाडी पलटी झाल्याचे सांगण्यात आले. या बसमध्ये 50 ते 60 प्रवासी होते. सर्वांना मार लागला असून काहींची प्रकृती चिंताजनक असल्याचे सांगण्यात येते. सदरील ही घटना घडल्यानंतर येणार्‍या जाणार्‍या नागरीकांनी व परिसरातील लोकांनी घटनास्थळी धाव घेवून त्यांना रूग्णालयात दाखल केले.
