खंडेश्‍वरी परिसरात तरुणाचा मृतदेह आढळला;खून की अपघात तपास सुरू

बीड (रिपोर्टर)ः- बीड पासून काही अंतरावर असलेल्या खंडेश्‍वरी रोडवरील तांडा परिसरात एका 25 वर्षीय तरुणांचा आज सकाळी मृतदेह आढळून आला. सदरील या तरुणाचा मृत्यु अपघातामुळे झाला की त्याला मारण्यात आले याचा तपास पोलीस करत आहे.

शेख बबलू शेख चाँद वय-25 वर्षे रा.गांधी नगर हा तरुण मिस्त्री काम करत होता. त्याचा आज सकाळी तांडा परिसरात मृतदेह आढळून आला. घटनेची माहिती पोलीसांना झाल्यानंतर पोलीसांनी घटनास्थळी जावून पंचनामा केला. तरुणाचा मृत्यू अपघातामुळे झाला की त्याला मारण्यात आले याचा तपास पोलीस करत आहे.