नेकनूर, (रिपोर्टर)ः- चेक पोस्टवर नियुक्त केलेले कर्मचारी गैर हजर राहिल्याने सदरील कर्मचार्‍या विरोधात नेकनूर पोलिस ठाण्यात गुन्हा दाखल करण्यात आल्याने एकच खळबळ उडाली. सध्या निवडणुकीचा कार्यकाळ असल्याने जिथे तिथे चेकपोस्ट उभारण्यात आलेले आहेत. येणार्‍या जाणार्‍या वाहनांची तपासणी करण्याचे काम चेकपोस्टवर होत आहे. यामध्ये निष्काजीपणा करणार्‍या कर्मचार्‍यावर कारवाई करण्याचे काम केले जात आहे.
मांजरसुंबा रोडवर चेकपोस्ट उभारण्यात आलेला आहे. या ठिकाणी सुदाम सुखदेव शेलार या पोलिस कर्मचार्‍याची नियुक्ती करण्यात आली होती. काल हे कर्मचारी त्या ठिकाणी हजर नसल्याचे निदर्शनास आल्यानंतर सदरील कर्मचार्‍या विरोधात नेकनूर पोलिस ठाण्यात गुन्हा दाखल करण्यात आला. आण्णा कसबे यांच्या फिर्यादीवरून गुन्हा दाखल झाला आहे. निवडणुकीच्या कार्यकाळात वाहने तपासण्यासाठी चेकपोस्ट उभारण्यात आलेले आहेत. या चेकपोस्टवर वाहनांची तपासणी केली जात आहे. निवडणुकीच्या धामधुमीत हाइगाइ करणार्‍या कर्मचार्‍याविरोधात कारवाई करण्यात येत आहे.
