तालुक्यातील अर्धामसला येथील घटना
गेवराई (रिपोर्टर) गेवराई तालुक्यातील अर्धामसला येथील शेतकर्‍याने रानडुकरापासुन संरक्षण मिळावे यासाठी ऊसाला लावलेल्या तारेचा शॉक लागुन मृत्यू झाल्याची घटना मंगळवार रोजी सायंकाळी 7 च्या सुमारास घडली. यात एक शेळीचा देखील शॉक लागून मृत्यू झाला.
नंदु उद्धव थोपटे (वय 40 राहणार अर्धामसला) असे तारेचा शॉक लागुन मृत्यू झालेल्या शेतकर्‍याचे नाव असून ते मंगळवार रोजी आपल्या शेतात काम करून सायंकाळीच्या सुमारास घरी येत असताना सोबत असलेली शेळी ऊसात गेली असता तिला पाहण्यासाठी गेलेल्या शेतकर्‍याला ऊसाला लावलेल्या व रानडुकरा पासुन संरक्षण मिळावे यासाठी तारेला करंट लावतात त्याच तारेचा शॉक लागुन मृत्यू झाला. यात त्याची एका शेळीचा देखील शॉक लागुन मृत्यू झाला.मंगळवार रोजी रात्री शेतकर्‍याचा मृतदेह शवविच्छेदनासाठी गेवराई येथील उपजिल्हा रुग्णालय आणला होता. त्याच्या पश्चात पत्नी,दोन मुले असा परिवार आहे.
