बीड (रिपोर्टर) स्वातंत्र्याच्या अमृत महोत्सवानिमित्त विविध कार्यक्रमांचे आयोजन करण्यात आले असून आज बीड शहरामध्ये भव्यदिव्य तिरंगा रॅली काढण्यात आली होती. भाजपाचे सलीम जहाँगीर यांनी 262 फुटांचा तिरंगा ध्वज बनवला असून या रॅलीमध्ये खा. प्रितम मुंडे यांची उपस्थिती होती.
देशाला स्वातंत्र्य मिळून 75 वर्षे झाली आहेत. यानिमित्ताने देशभरामध्ये विविध कार्यक्रम आयोजीत करण्यात आले. आज सकाळी सलीम जहाँगीर यांनी बनवलेल्या 262 फुटाचे तिरंगा ध्वज घेऊन शहरातून रॅली काढण्यात आली. या रॅलीमध्ये खा. प्रितम मुंडे, भाजपाचे जिल्हाध्यक्ष राजेंद्र मस्के, जगदीश गुरखुदे, परशुराम गुरखुदे, उबाळे यांची उपस्थिती होती. सदरील रॅली डॉ. बाबासाहेब आंबेडकर चौकातून निघाली होती. रॅलीचा समारोप सामाजिक न्यायभवन या ठिकाणी करण्यात आला. या रॅलीमध्ये विद्यार्थ्यांसह नागरिकांची मोठ्या संख्येने उपस्थिती होती.
