किल्ले धारूर (रिपोर्टर) धारूर तालुक्यातील उमरेवाडी येथील बचाटे कुटुंबीयांवर रात्री काळाने घाला घातला आहे रात्री सोनपेठ जवळ बचाटे कुटुंबीयांच्या भरधाव वेगातील स्कार्पिओ गाडीवरील चालकाचे नियंत्रण सुटल्याने गाडी रस्त्याच्या बाजूला असलेल्या खड्ड्यात पडून अपघात झाला आहे या अपघातामध्ये बचाटे कुटुंबातील भावी डॉक्टर लातूर येथे वैद्यकीय शिक्षण घेणार्‍या अशोक अर्जुन बचाटे वय23 वर्ष व त्याची भावजही जयश्री सचिन बचाटे वय 27 वर्ष यांचे दुःखद निधन झाले आहे.
या अपघातात बचाटे कुटुंबातील आणखी तीन व्यक्ती गंभीर जखमी आहेत याविषयी सविस्तर माहिती अशी की उमरेवाडी येथील बचाटे कुटुंबातील सचिन बचाटे यांचे दारूचे व्यसन सोडवण्यासाठी नांदेड येथे औषध आणण्यासाठी बचाटे कुटुंबीय गेले होते नांदेडहून रात्री येत असताना सोनपेठ होऊन पुढे 20 किलोमीटर अंतरावर भरधाव वेगात असलेली बचाटे कुटुंबीयांची स्कार्पिओ गाडी चालकाचे नियंत्रण सुटल्याने रस्त्याच्या कडेला पलटी होऊन पडली यामध्ये सहा ते सात व्यक्ती होते यातील लातूर येथे वैद्यकीय शिक्षणाची तयारी करणारा अशोक बचाटे व त्याची वहिनी जयश्री बचाटे यांचे अपघाती निधन झाले आहे तर या अपघातात स्कार्पिओ कार मधील आणखी तीन व्यक्ती गंभीर जखमी आहेत. भास्कर रामभाऊ बचाटे वय 52 (जखमी) ,दिनेश बालासाहेब बचाटे वय 22 (जखमी ), दादा भोसले वय 50 (जखमी), सचिन भास्कर बचाटे (गंभीर जखमी) इतर व्यक्तींच्या डोळ्याला व मणक्याला मार लागला आहे स्कार्पिओ चालकाने अपघात ठिकाणाहून धूम ठोकली या अपघातातील सर्वांवर परभणी येथील जिल्हा रुग्णालयात उपचार सुरू आहेत.
