बीड (रिपोर्टर) तुमच्या डेबिट कार्डवर दंड पडला आहे. त्यामुळे त्याची माहिती मला सांगा असा कॉल आलेल्या अनोळखी भामट्याला माहिती दिल्याने एकाची फसवणूक झाली. याप्रकरणी अंबाजोगाई शहर पोलिसात भामट्यावर गुन्हा दाखल करण्यात आला आहे.
अंजली सतिष जोशी यांना 4 सप्टेंबर रोजी एका अनोळखी मोबाईल क्रमांकावरून फोन आला होता. समोरून त्यांना आपल्या डेबिट कार्डवर दंड पडला आहे. आपले खाते पून्हा सुरू करण्यासाठी माहिती द्या असे सांगितले. अंजली जोशी यांनी कसलीही खातरजमा न करता त्या भामट्यावर विश्‍वास ठेवत त्याला माहिती दिली. त्याने परस्पर खात्यातील 28 हजार रूपये काढून फसवणूक केली. याप्रकरणी अंबाजोगाई शहर पोलिसात भामट्याविरोधात फसवणूकीचा गुन्हा दाखल करण्यात आला आहे.
