परळी (रिपोर्टर) भरधाव वेगात निघालेल्या राखेच्या टँकरने मोटारसायकलला जोराची धडक दिल्याने या अपघातात मोटारसायकलवरील दोघे गंभीररित्या जखमी झाल्याने त्यांना पुढील उपचारार्थ पुणे येथे दाखल करण्यात आले आहे. ही घटना सकाळी दाऊदपूर शिवारात घडली.
आज सकाळी राख घेऊन निघालेल्या टँकरने मोटार-सायकलला जोराची धडक दिल्याने यामध्ये मोटार-सायकलवरील राजाभाऊ साहेबराव बीडगर व सुमित अर्जुन सुरवसे (रा. दाऊदपूर) हे दोघे जण गंभीररित्या जखमी झाले. त्यांना प्रथमोपचारार्थ परळी येथे दाखल करण्यात आले होते मात्र त्यांची प्रकृती गंभीर असल्याने त्यांना पुढील उपचारासाठी पुणे येथील रुग्णालयामध्ये दाखल करण्यात आले. या प्रकरणी टँकर चालकाविरोधात गुन्हा दाखल करण्याची प्रक्रिया सुरू होती.
राखेच्या टँकरची मोटारसायकलला धडक; दोघे गंभीर जखमी; दाऊदपूर शिवारात घडली घटना
