बीड (रिपोर्टर) लक्ष्मण नगर भागात राहणार्‍या एका तिस वर्षीय तरुणास बार्शी रोडवरील हॉटेल चालकाने जबर मारहाण करुन गंभीररित्या जखमी केले. ही घटना रात्री घडली. जखमीवर जिल्हा रुग्णालयात उपचार सुरू आहे. या प्रकरणी शिवाजी नगर पोलीस ठाण्यात तक्रार दाखल करण्यात आली आहे.
शशीकांत श्रीरंग जावळे वय-30 वर्ष हा तरुण रात्री राष्ट्रवादी भवनासमोरील हॉटेल शोभा याठिकाणी गेला होता. तेथे त्यास गणेश नामक हॉटेल चालकाने व इतरांनी जबर मारहाण केली. यात जावळे हा गंभीररित्या जखमी झाला आहे. त्यास उपचारार्थ जिल्हा रुग्णालयात दाखल करण्यात आले. सदरील ही घटना कुठल्या कारणावरुन घडली हे मात्र समजू शकले नाही. या प्रकरणी शिवाजी नगर पोलीस ठाण्यामध्ये तक्रार दाखल करण्यात आली आहे.
हॉटेल मालकांकडून तरुणास जबर मारहाण;बार्शी रोडवर रात्री घडली घटना
