शहेंशाहवली दर्गा परिसराची न.प.ने केली स्वच्छता, तलाव परिसरातील नाल्यातील घाणही काढली

बीड (रिपोर्टर) शहेंशाहवली दर्गा परिसरातील स्वच्छतेबाबत सायं. दैनिक बीड रिपोर्टरमध्ये वृत्त प्रकाशीत होताच याची दखल नगरपालिका प्रशासनाने घेतली. शुक्रवारी या परिसरातील स्वच्छता करण्यात आली. विशेष करून तलाव परिसरातील नाल्यांमधील घाणही काढण्यात आली आहे. नगरपालिकेने नियमितपणे अशाच पद्धतीची स्वच्छता मोहीम राबवावी, अशी अपेक्षा नागरिकांतून व्यक्त केली जात आहे.
इस्लामपुरा भागात असलेल्या शहेंशाहवली दर्गा परिसरात जागोजागी घाण होती. नाल्या तुंबल्याने नागरिकांना रस्त्यावरून जाता येत नव्हते. अस्वच्छतेमुळे विविध आजारांची लागण होत असे. या अस्वच्छतेच्या बाबतीत सायं. दैनिक बीड रिपोर्टरने वृत्त प्रकाशीत केल्यानंतर याची दखल नगरपालिका प्रशासनाने घेतली. स्वच्छता विभागातील कर्मचार्‍यांनी सदरील भागातील स्वच्छता केली. तलाव परिसरातील नाल्यात प्रचंड प्रमाणात घाण जमा झाली होती. ही घाणही काढण्यात आली आहे. अशाच पद्धतीची स्वच्छता मोहीम सातत्याने राबविण्यात यावी, अशी मागणी या भागातील नागरिकांतून केली जात आहे.