शिक्षकांनी कोणत्याही दबावाला बळी न पडता मतदानरूपी आशिर्वाद द्या -आ. क्षीरसागर

विजयाचा चौकार मारुन विक्रम काळे इतिहास घडणार
बीड (रिपोर्टर):- मराठवाडयात शिक्षक मतदार संघ महाविकास आघाडीचे अधिकृत उमेदवार आ.विक्रम काळे यांच्या प्रचारार्थ बीडसह मराठवाड्यात राष्ट्रवादी काँग्रेसचे प्रदेशाध्यक्ष आ.जयंतराव पाटील आणि विधान परिषदेचे माजी सभापती आ.दिलीप वळसे पाटील यांच्या झंझावाती प्रचार दौर्यामुळे मराठवाडा शिक्षण मतदार संघाचे वातावरण ढवळून निघाले असून उद्या होणार्या मतदानात बीड जिल्हा व बीड मतदार संघातील शिक्षक गुरुजींनी कोणत्याही दबावाला बळी न पडता मोठ्या प्रमाणावर मतदान करून या ऐतिहासिक विजयात सामील व्हावे असे आवाहन बीड मतदार संघाचे आ.संदीप क्षीरसागर यांनी केले.
मागील तीन निवडणुकीत बीड जिल्ह्यातील शिक्षक विक्रम काळे यांच्या पाठीशी खंबीरपणे उभा राहिला असून बीड जिल्ह्यातून आ.विक्रम काळे यांना निर्णय आघाडी मिळणार असुन ते या निवडणुकीत विजयाचा चौकार लावणार आहेत गेल्या आठरा वर्षापासून आ.विक्रम काळे शिक्षकांची सेवा करीत असून शिक्षकांच्या प्रश्नांवर अनेक हितकारिक निर्णय त्यांनी आपल्या आमदारकीच्या काळात घेतले असून याचा फायदा अनेक शिक्षक गुरूजनांना झालेला आहे. शिक्षक गुरुजनांनी कोणत्याही दबावाला बळी न पडता उद्या होणार्या मतदानात बीड जिल्ह्यातील आणि बीड मतदार संघातील शिक्षक गुरुजनांनी विक्रम काळे यांना मतदान रुपी आशिर्वाद देवून मा.खा.शरदचंद्रजी पवार साहेब यांचे हात बळकट करावे तसेच या ऐतिहासिक विजयात सामील व्हावे असे आवाहन आ.संदीप क्षीरसागर यांनी केले आहे.