तात्काळ रस्ता न झाल्यास गावकरी आंदोलन छेडणार
चौसाळा (रिपोर्टर) चौसाळा ते सुलतानपूर या रस्त्याची अवस्था अत्यंत बिकट झाली. रस्त्यामध्ये काही लोकांनी अडथळा निर्माण केल्याने रस्त्याचे काम रखडले. रस्त्यावर जागोजागी खड्डे असल्याने सतत अपघात होऊ लागले. रस्त्याच्या कामाकडे वेळीच लक्ष न दिल्याने परिसरातील गावकरी रस्त्यावर उतरून आंदोलन छेडतील, असा इशारा येथील सरपंचासह नागरिकांनी दिला.
गेल्या अनेक वर्षांपासून चौसाळा ते सुलतानपूर रस्त्याची अवस्था वाईट आहे. पावसाळ्याच्या दिवसात पायी चालणे मुश्किल होते. रस्त्याच्या कामात काही लोकांनी अडथळा निर्माण केला. जागोजागी खड्डे असल्याने वाहनांचे अपघात होऊ लागले. दोन दिवसांपूर्वी उसाचा ट्रॅक्टर पलटी होऊन दोघे जण जखमी झाले. रस्ता दुरुस्तीकडे संबंधित विभागाने वेळीच लक्ष द्यावे, नसता या भागातील नागरिक रस्त्यावर उतरून आंदोलन छेडतील, असा इशारा सरपंच अनिल शेंडगे, परमेश्वर नाईकवाडे, शहाजी नाईकवाडे, सोमीनाथ कवडे, आश्रुबा नाईकवाडे, अमोल नाईकवाडे, लहू नाईकवाडे, सखाराम नाईकवाडे यांच्यासह आदींनी दिला आहे.
