नगरपालिका प्रशासनाने पथदिवे तात्काळ सुरू करावे
बीड (रिपोर्टर) शहरातील पथदिवे गेल्या काही दिवसांपासून बंद असल्यामुळे शहर अंधारात आहे. अंधाराचा फायदा उचलून काही अनुचीत प्रकार घडू शकतो. त्यासाठी न.प.प्रशासकीय अधिकार्‍यांनी तात्काळ शहरामधील बंद असलेले पथदिवे सुरू करावे, अशी मागणी केली जात आहे.
बीड शहरातील विविध भागांतील पथदिवे बंद आहेत. पथदिवे बंद असल्यामुळे रात्रीच्या दरम्यान येणार्‍या-जाणार्‍यांना अंधारातून प्रवास करावा लागतो. त्यातच अंधााचा फायदा घेऊन चोरीच्या घटना घडू शकतात. काही भागांमध्ये मोकाट कुत्र्यांचा सुळसुळाट आहे. हे कुत्रे माणसांवर हल्ला करतात. रात्रीच्या वेळी महिला खरेदीसाठी बाहेर पडत असतात त्यामुळे दागिने चोरीच्या घटनाही घडू शकतात. नगरपालिकेच्या प्रशासकीय अधिकार्‍यांनी शहरातील बंद असलेले दिवे पुर्ववत सुरू करावे, अशी मागणी सर्वस्तरातून केली जात आहे.
बीड शहरातील पथदिवे बंद; अंधारात अनुचीत प्रकार घडण्याची शक्यता
