चोरटा सीसीटीव्ही कॅमेर्‍यात कैद जिल्हा पोलीस अधिक्षक कार्यालयाच्या समोरील गल्लीतील घटना
बीड (रिपोर्टर) जिल्हा पोलीस अधिक्षक कार्यालयाच्या समोरील रहेमतनगर येथे दिवसाढवळ्या चोरट्याने हँडल लॉक तोडून मोटारसायकल पळविली. सदरील चोरटा सीसीटीव्ही कॅमेर्‍यात कैद झाला असून या प्रकरणी चोरट्याविरोधात शिवाजीनगर पोलीस ठाण्यात गुन्हा दाखल करण्यात आला.
शासकीय कर्मचारी रियाज सालार बेग यांनी आपली मोटारसायकल (क्र. एम.एच. 23. ए ए 95000) ही रहेमतनगर येथील राहत्या घरासमोर उभी केली होती. चोरट्याने काल दिवसाढवळ्या गाडीचे हँडललॉक तोडून गाडी चोरून नेली. बेग यांना आपल्या घरासमोर गाडी निदर्शनास आली नसल्याने त्यांना गाडी चोरीला गेल्याचा संशय आला. त्यांनी तेथील सीसीटीव्ही कॅमेर्‍यामध्ये बघितले असता त्यांना गाडी चोरून नेताना चोरटा दिसून आला. याबाबत शिवाजीनगर ठाण्यामध्ये तक्रार नोंदविली असून आरोपीविरोधात गुन्हा दाखल करण्यात आला आहे.
