नेकनूर (रिपोर्टर) चौसाळ्यामध्ये मोकाट कुत्र्यांनी गेल्या काही दिवसांपासून धुमाकूळ घातला असून काल एका शेतकर्‍याच्या चार शेळ्यांवर कुत्र्यांनी हल्ला केला. यात चारही शेळ्या ठार झाल्या आहेत. या मोकाट कुत्र्यांच्या दहशतीमुळे नागरिकांत भीतीचे वातावरण निर्माण झाले आहे.
चौसाळा येथील शेतकरी सुधाकर गुंजाळ यांच्याकडे शेळ्या आहेत. काल मोकाट कुत्र्यांनी त्यांच्या चार शेळ्यांवर हल्ला चढवत चारही शेळ्या ठार केल्या आहेत. यामध्ये गुंजाळ यांचे मोठ्या प्रमाणात नुकसान झाले. गेल्या अनेक दिवसांपासून चौसाळ्यात या मोकाट कुत्र्यांचा सुळसुळाट सुरू आहे. कुत्र्यांनी चार शेळ्या मारल्याने नागरिकात भीतीचे वातावरण निर्माण झाले असून कुत्र्यांचा बंदोबस्त करण्याची मागणी केली जात आहे.
