केजमध्ये धनदांडग्यांच्या अतिक्रमणावर जेसीबी

नगरपालिका प्रशासनाने काल आणि आज काढले अतिक्रमण
केज (रिपोर्टर) उमरी रोडवर काही धनदांडग्या लोकांनी अतिक्रमण करत त्याठिकाणी बांधकाम केले होते. नगरपालिका प्रशासनाने अतिक्रमणावर जेसीबी चालवून कालआणि आज अतिक्रमण हटवले आहे. अतिक्रमण हटवल्याने उमरी रोड मोकळा झाला आहे.
गेल्या काही वर्षांपासून उमरी रोडवर रस्त्यावरच बांधकाम करण्यात आले होते. सदरील अतिक्रमण हटवण्याचा निर्णय नगरपंचायत प्रशासनाने घेतला. काल कर्मचार्‍यांनी जेसीबी लावून अतिक्रमण पाडण्यात आले आहे. या वेळी मुख्याधिकारी महेश गायकवाड यांच्यासह आदींची उपस्थिती होती. अतिक्रमण हटवल्यामुळे उमरी रोडने मोकळा श्वास घेतला.