बीड (रिपोर्टर): सततच्या छेडछाडीला कंटाळून एका अल्पवयीन मुलीने बीड शहरातील शिवाजी धांडेनगर भागात आत्महत्या केली. या प्रकरणी आरोपी अमोल हरीदास जगताप याच्या विरोधात शिवाजीनगर पोलीस ठाण्यात गुन्हा दाखल झाला. मात्र या आरोपीला अद्यापही पोलिसांनी अटक केली नसून त्यास तत्काळ अटक करण्याची मागणी केली जात आहे.
निकिता भोसले या मुलीने 11 जून 2023 रोजी अमोल हरीदास जगताप याच्या त्रासाला कंटाळून शहरातील शिवाजी धांडे नगर भागात आत्महत्या केली. सदरील ही मुलगी भवानवाडी येथील आहे. या प्रकरणी शिवाजीनगर पोलीस ठाण्यात आरोपी अमोल जगताप (रा. भवानवाडी) याच्या विरोधात गुन्हा दाखल करण्यात आलेला आहे. मात्र त्याला अद्यापही पोलिसांनी अटक केली नाही. त्यास अटक करण्याची मागणी रेणाजी भोसले यांनी एका निवेदनाद्वारे केली आहे.
छेडछाडीला कंटाळलेल्या मुलीची आत्महत्या
