माजलगाव (रिपोर्टर): मोटारसायकल वरून माजलगाव कडे येणार्‍या शिक्षकाला अज्ञात वाहनाची धडक बसली.या अपघातात शिक्षकाचा जागीच मृत्यू झाला.ही घटना रविवारी रात्री अकरा वाजता माजलगाव तालुक्यातील जायकोवाडी फाट्यावर घडली.
वशिष्ठ महादेव जगताप (वय 38 वर्ष) राहणार शृंगारवाडी,हे माजलगाव येथील स्वामी विवेकानंद विद्यालयात शिक्षक होते.रविवारी रात्री 11 वाजता ते आपल्या गावावरून माजलगाव कडे मोटरसायकल वरून येत होते. यावेळी राष्ट्रीय महामार्गावरून ते जायकोवाडी फाट्याजवळ आले. यावेळी अज्ञात वाहनाने त्यांच्या मोटरसायकलला जोराची धडक दिली.या झालेल्या अपघातात वशिष्ठ जगताप यांचा जागीच मृत्यू झाला.
