बीड (रिपोर्टर) बीड शहरातील प्रसिद्ध कापड व्यापारी बाफना क्लॉथचे मालक सुभाषसेठ बाफना यांची सून सौ. रिया बाफना यांनी आयसीएआय मार्फत घेण्यात आलेल्या परीक्षेमध्ये घवघवीत यश संपादन केले असून या यशाबद्दल त्यांचे सर्वस्तरातून कौतुक होत आहे.
सीए परीक्षेचा निकाल जाहीर झाला असून या परीक्षेमध्ये रिया अंकित बाफना यांनी चांगले यश संपादन केले. या यशाबद्दल त्यांचे सर्वस्तरातून अभिनंदन करण्यात येत आहे. या यशामागे त्यांना सासू, सासरे सौ. रंजना सुभाषसेठ बाफना, वहिणी अपेक्षा आशिष बाफना, श्रध्दा बाफना यांचे मोलाचे सहकार्य व मार्गदर्शन मिळाले आहे. सीए परीक्षा उत्तीर्ण झाल्यानंतर रिया बाफना यांचा सत्कार करून त्यांना शुभेच्छा देण्यात आल्या. या वेळी समाजातील प्रतिष्ठित नागरिकांची उपस्थिती होती.
तालखेडच्या अश्‍विनी चांडक सीए परीक्षेत पास
बीड (रिपोर्टर) सीए परीक्षेचा निकाल जाहीर झाला असून या परीक्षेमध्ये तालखेड येथील अश्‍विनी गोविंद चांडक या विद्यार्थीनीने यश संपादन केले. या यशाबद्दल तिचे सर्वस्तरातून कौतुक केले जात आहे.
तालखेड येथील अ‍ॅड. शिवप्रसाद चांडक यांची नात व व्यंकटेश अ‍ॅग्रोचे प्रो.प्रा. गोविंद शिवप्रसाद चांडक यांची मुलगी अश्‍विनी गोविंद चांडक हिने सीए परीक्षेत उल्लेखनीय यश संपादन केले. तिच्या या यशात आई, वडिल, आजी-आजोबा यांचे मोठे योगदान आहे. या यशाबद्दल तिचे नातेवाईक, ग्रामस्थांसह आदींनी अभिनंदन करून पुढील कार्यास शुभेच्छा दिल्या आहेत.
