बीड (रिपोर्टर) जमीनीच्या वादातून अंतरवणपिंप्री येथे तीन महिलांना मारहाण करण्यात आल्याची घटना काल घडली आहे. जखमी महिलांवर बीडच्या जिल्हा रुग्णालयात उपचार सुरू असून या प्रकरणी आरोपींविरोधात पोलीस ठाण्यात गुन्हा दाखल करण्यात आला आहे.
जयश्री गिरी, रोहिणी गिगरी, अनुराधा गिरी या तिन्ही महिला काल आपल्या शेतामध्ये गेल्या होत्या. या ठिकाणी बाबू गिरी व इतरांनी शेतीचा वाद उकरून काढत सदरील महिलांना बाबू गिरी, पाराजी गिरी, पांडुरंग गिरीसह आदींनी मारहाण केली. या मारहाणीमध्ये महिला जखमी झाल्याने त्यांना उपचारार्थ जिल्हा रुग्णालयात दाखल करण्यात आले आहे. या प्रकरणी आरोपींविरोधात गुन्हा दाखल करण्यात आला आहे.
