आष्टी (रिपोर्टर) अज्ञात कारणावरून एकाला लाथाबुक्क्यांनी गंभीर मारहाण करत डोक्यात दगड घालून जिवे मारण्याचा प्रयत्न केला. या प्रकरणी आष्टी पोलिसात तिघा जणांविरोधात गुन्हा दाखल करण्यात आला आहे. ही घटना 8 ऑगस्ट रोजी घडली होती.
आष्टी तालुक्यातील चोभा निमगाव येथील आप्पा साहेबराव बोखारे (वय 41) या रिक्षा चालकाने आष्टी पोलिसात दिलेल्या तक्रारीत म्हटले आहे की, ते चोभानिमगाव येथील पाचपुते यांच्या खताच्या दुकानासमोर उभे होते. या वेळी अंबादास भीमराव जाधव, परसराम भीमराव जाधव, भीमराव जाधव (सर्व रा. चोभानिमगाव) तेथे आले, त्यांनी काही एक न सांगता मारहाण करण्यास सुरुवात केली. हातातील दगड डोक्यात घालून गंभीर जखमी केले व जिवे मारण्याची धमकी दिली. या प्रकरणी आष्टी पोलीस ठाण्यात गुन्हा दाखल झाला आहे.
एकास लाथा बुक्क्यांनी मारहाण; गुन्हा दाखल
