बीड (रिपोर्टर)-गेवराईहून बीडकडे येणार्‍या क्रुझर गाडीमध्ये बिघाड झाल्याने सदरील गाडी गढीच्या पुलाजवळ बंद पडली. गाडी दुरूस्त करण्यासाठी बीड येथून एका फिटरला नेण्यात आले होते. गाडी दुरूस्त करत असतांना पाठीमागून ट्रक या गाडीवर धडकली. यामध्ये फिटर ठार तर अन्य तिघे जण जखमी झाले. जखमींना उपचारार्थ जिल्हा रुग्णालयात दाखल करण्यात आले.
रात्री गेवराईहून बीडकडे क्रुझर गाडी येत होती. ही गाडी गढीच्या उड्डानपूला जवळ बंद पडली होती. गाडी दुरूस्त करण्यासाठी मोहम्मदीया कॉलनी येथील मोमीन चाँद या फिटर ला नेण्यात आले होते. गाडी दुरूस्त करत असतांना पाठीमागून भरधाव वेगात येणारा ट्रक या गाडीवर धडकला. यात मोमीन चाँद हे गंभीररित्या जखमी होवून ठार झाले. तर गाडीतील अन्य तिघे जण जखमी झाले असून त्यांना उपचारार्थ रुग्णालयात दाखल करण्यात आले.
नादुरूस्त कु्रझरवर ट्रक धडकली गाडी दुरूस्त करणारा फिटर ठार, तिन जखमी
