चिंचोलीमाळीच्या रस्त्यासाठी नागरीक आक्रमक, जिल्हाधिकारी कार्यालयावर मोर्चा
बीड (रिपोर्टर) चिंचोलीमाळीसह आदी परिसराला जोडणारा रस्ता अत्यंत खराब झाला असून सदरील रस्ता तात्काळ दुरुस्त करण्यात यावा या प्रमुख मागणीसाठी आज या भागातील नागरिकांनी जिल्हाधिकारी कार्यालयावर थाळीनाद आंदोलन करत मोर्चा काढला. या मोर्चामध्ये महिलांची मोठ्या प्रमाणात संख्या होती.
चिंचोलीमाळी, दहिफळ, नाळवंडी, लक्ष्मीआई तांडा, जुजगव्हाण, काळेगाव या परिसरातील नागरिकांना खराब रस्त्यामुळे त्रासाला सामोरे जावे लागते. रस्ता दुरुस्तीसाठी अनेक वेळा निवेदन देण्यात आले मात्र याची दखल संबंधित विभागाने घेतली नसल्याने आज या भागातील नागरिकांनी छत्रपती शिवाजी महाराज पुतळ्यापासून थाळीनाद मोर्चा काढला. या मोर्चामध्ये महिलांची मोठ्या प्रमाणात संख्या होती. आपल्या मागण्यांचे निवेदन जिल्हाधिकारी यांना देण्यात आले.
